ചുരുങ്ങിയ കാലം കൊണ്ട് മലയാള സിനിമാപ്രേക്ഷകരുടെ മനസ്സില് ഒരു സ്ഥാനം നേടിയെടുത്ത അഭിനേത്രിയാണ് ഹണി റോസ്. സോഷ്യല് മീഡിയയില് സജീവമായ താരം എല്ലാ പുതിയ വിശേഷങ്ങളും ഫോട്ടോഷൂട്ടുകളും അതിലൂടെ പങ്കിടാറുണ്ട്. ഇപ്പോഴിതാ തന്റെ ഏറ്റവും പുതിയ സിനിമയുടെ ഫസ്റ്റ് ലുക്ക് പോസ്റ്റര് പങ്കുവച്ചിരിക്കുകയാണ് ഹണി റോസ്. വെട്ട്കത്തിയുടെ മൂര്ച്ചയുള്ള പെണ്ണിന്റെ കഥ പറയുന്ന ‘റേച്ചല്’ എന്ന സിനിമയുടെ പോസ്റ്ററാണ് താരം പങ്കിട്ടിരിക്കുന്നത്. എബ്രിഡ് ഷൈൻ നിര്മ്മിക്കുന്ന ഈ സിനിമ മലയാളി കണ്ട് പരിചയിച്ചിട്ടില്ലാത്ത കഥാ പരിസരത്തിലേക്കാണ് റേച്ചല് ഒരുങ്ങുന്നത്. കൈയ്യില് വെട്ടുകത്തിയുമായി രക്തനിബിഡമായ അന്തരീക്ഷത്തില് ഇറച്ചി നുറുക്കുന്ന റേച്ചലായി ഹണി റോസിനെ പോസ്റ്ററില് കാണുവാൻ സാധിക്കും. റേച്ചല് ഹണി റോസിന്റെ അഭിനയ രംഗത്തെ അനുഭവപരിചയം കൃത്യമായി ഉപയോഗിക്കുന്ന സിനിമ ആയിരിക്കും എന്ന് പോസ്റ്ററിലെ ഹണി റോസിന്റെ അല്ലങ്കില് റേച്ചലിന്റെ മൂര്ച്ചയുള്ള, ആഴമുള്ള നോട്ടം സൂചിപ്പിക്കുന്നു. ‘‘അവതരിപ്പിക്കുന്ന എന്റെ വരാനിരിക്കുന്ന "റേച്ചൽ" എന്ന സിനിമയുടെ ഫസ്റ്റ് ലുക്ക് റിലീസ് ചെയ്തതിൽ അതിയായ സന്തോഷമുണ്ട്!...ആനന്ദിനി ബാലയുടെ ആദ്യ സംവിധായിക ബാദുഷ, ഷിനോയ് മാത്യു, എബ്രിഡ് എന്നിവർ ചേർന്നാണ് നിർമ്മാണം. ഈ പ്രോജക്റ്റിന്റെ ഭാഗമാകാൻ വളരെ ആവേശമുണ്ട്!’’എന്നാണ് ഹണി റോസ് പോസ്റ്ററിനൊപ്പം കുറിച്ചിരിക്കുന്നത്.
ആനന്ദിനി ബാല എന്ന പുതുമുഖ സംവിധായികയുടേതാണ് ഈ സിനിമ. കഥാകൃത്തും കവിയുമായ രാഹുല് മണപ്പാട്ടിനൊപ്പം എബ്രിഡ് ഷൈനും കഥയെഴുത്തിലുണ്ട്. ബാദുഷ പ്രൊഡക്ഷൻസ്, പെൻ & പേപ്പര് ക്രിയേഷൻസ് എന്നീ ബാനറുകളില് ബാദുഷ എൻ എം, ഷിനോയ് മാത്യു, എബ്രിഡ് ഷൈൻ എന്നിവര് ചേര്ന്നാണ് ചിത്രം നിര്മ്മിക്കുന്നത്. മലയാള സിനിമ സംഗീത മേഖലയിലെ നവതരംഗങ്ങളില് ഒരാളായ അങ്കിത് മേനോനാണ് സംഗീതവും പശ്ചാത്തല സംഗീതവും നിര്വഹിക്കുന്നത്. ചിത്രത്തിന്റെ ഫസ്റ്റ്ലുക്ക് മോഷൻ പോസ്റ്റര് ട്രെന്ഡിംഗാകുകയാണ്.
