കൊച്ചി : ഇന്ത്യന് വനിതാ ക്രിക്കറ്റില് കേരളത്തെ ലോകത്തിന് മുന്നില് അടയാളപ്പെടുത്തിയ മിന്നുവിന്റെ പ്രകടന മികവിന് ആദരമര്പ്പിച്ച്.തലശ്ശേരി- വള്ളിയൂര്ക്കാവ് ജംഗ്ഷന് ഇനിമുതല് 'മിന്നു മണി ജംഗ്ഷന്' എന്നറിയപ്പെടും. ഇന്ത്യന് ജഴ്സിയണിയുന്ന ആദ്യ മലയാളി വനിതാ താരമായ മിന്നു മണിയുടെ പേര് ജംഗ്ഷന് നല്കി ആദരിക്കാന് മാനന്തവാടി ഗ്രാമ പഞ്ചായത്ത് ഐകകണ്ഠേന തീരുമാനിക്കുകയായിരുന്നു.
ആദ്യ രാജ്യാന്തര ട്വന്റി-20 മത്സരത്തില് തന്നെ മിന്നു മികച്ച പ്രകടനം കാഴ്ച വച്ച ആഹ്ലാദത്തിലാണ് മാനന്തവാടി എടപ്പടി ചോയിമൂല ഗ്രാമം. ഈ ഭാഗത്ത് മിന്നു മണി ജംഗ്ഷൻ എന്ന ബോർഡ് സ്ഥാപിക്കുമെന്നും അവർ പറഞ്ഞു.വയനാട്ടിലെ മാനന്തവാടി-മൈസൂര് റോഡിനും 'മിന്നു മണി റോഡ്' എന്ന് പേര് നല്കിയിരുന്നു. മാനന്തവാടി മുനിസിപ്പല് ഭരണസമിതി യോഗം ചേര്ന്നാണ് റോഡിന്റെ പേര് മാറ്റാന് തീരുമാനിച്ചത്.
രാജ്യാന്തര ക്രിക്കറ്റില് അരങ്ങേറ്റം കുറിച്ച മിന്നു ബംഗ്ലാദേശിനെതിരായ ട്വന്റി 20 പരമ്പരയില് മികച്ച പ്രകടനം കാഴ്ചവെച്ച മിന്നു വെള്ളിയാഴ്ചയാണ് കേരളത്തിലെത്തിയത്. മൂന്ന് മത്സരങ്ങളുള്ള പരമ്പരയില് അഞ്ച് വിക്കറ്റുകള് നേടിയാണ് ഓള്റൗണ്ടര് തിളങ്ങിയത്. പരമ്പരയില് 11 ഓവറുകളില് 58 റണ്സ് വിട്ടുകൊടുത്ത മിന്നു അഞ്ച് ബംഗ്ലാ താരങ്ങളെയാണ് മടക്കിയത്. 2-1ന് പരമ്പര ഇന്ത്യ സ്വന്തമാക്കുകയും ചെയ്തിരുന്നു.
ആദ്യ വിക്കറ്റ് നേടിയപ്പോൾ ടീം ഒന്നടങ്കം അഭിന്ദിച്ചത് മറക്കാനാവാത്ത നിമിഷമാണ്. പ്ലെയിങ്ങ് ഇലവനിൽ ഉണ്ടാകുമെന്ന് പ്രതീക്ഷിച്ചിരുന്നില്ലെന്നായിരുന്നു മിന്നു മണിയുടെ പ്രതികരണം. മുതിർന്ന കളിക്കാരുടെ മികച്ച പിന്തുണ ലഭിച്ചതിനാൽ സമ്മർദ്ദം ഇല്ലാതെ കളിക്കാനായെന്നും.
കൊച്ചി അന്താരാഷ്ട്ര വിമാനത്താവളത്തില് എത്തിയ മിന്നുവിനെ കേരള ക്രിക്കറ്റ് അസോസിയേഷനും ജില്ലാ അസോസിയേഷനുകളും ചേര്ന്ന് മിന്നുവിനെ സ്വീകരിച്ചു. ഇന്ത്യന് മുന് താരം ടിനു യോഹന്നാനും മിന്നുവിനെ സ്വീകരിക്കാനെത്തി.
