ലോകത്തിലെ ഏറ്റവും ഭാരമുള്ള സ്ത്രീ എന്ന പദവി സ്വന്തമാക്കിയ കത്രീന റെയ്ഫോര്ഡിന്റെ വിവരങ്ങളാണ് ഇപ്പോള് സോഷ്യല് മീഡിയ ഉറ്റുനോക്കുന്നത്. മൂന്ന് ആനക്കുട്ടികളുടെ ഭാരത്തിന് തുല്യമായ ഏതാണ്ട് 444.5 കിലോ ഭാരമാണ് ഇവര്ക്ക് ഉണ്ടായിരുന്നത്. എന്നാല് ഇവര് തന്റെ ശരീരഭാരത്തില് നിന്നും 304 കിലോയാണ് കുറച്ചിരിക്കുന്നത്.
അവര് തന്റെ ശരീരഭാരം കുറയ്ക്കുന്നതിനുള്ള ശ്രമങ്ങള് ഇന്സ്റ്റാഗ്രാമിലൂടെ പങ്കുവച്ചിരുന്നു. ഭാരക്കൂടുതല് കാരണം എഴുന്നേറ്റ് നില്ക്കാന് പോലും ആവാത്ത അവസ്ഥയില് കിടക്കയില് തന്നെയായിരുന്നു ആദ്യകാലങ്ങളില് കത്രീന റെയ്ഫോര്ഡിന്റെ ജീവിതം . കാര്ബണേറ്റഡ് പാനീയങ്ങള്, ഫാസ്റ്റ് ഫുഡ്, പിസ്സ തുടങ്ങിയ ഭക്ഷണങ്ങളുടെ കൂടിയ ഉപയോഗം അവരുടെ ശരീരഭാരം നിയന്ത്രണാതീതമായി ഉയരുന്നതിന് കാരണമായി. കത്രീന ഒമ്പതാം വയസ്സ് മുതല് തന്റെ ഭാരം വര്ദ്ധിക്കുന്നതുമായി ബന്ധപ്പെട്ട പ്രശ്നങ്ങള് നേരിട്ട് തുടങ്ങിയിരുന്നു. അമിത ശരീരഭാരം അവരുടെ ജീവനപകടത്തിലാക്കാന് കാരണമാകുമെന്ന് ഡോക്ടര്മാര് പറഞ്ഞതിനാല് തന്നെ ഇവര് തന്റെ ശരീര ഭാരം നിയന്ത്രിക്കാനുള്ള ശ്രമങ്ങള് ആരംഭിച്ചു.
എന്നാല് ഈ തീരുമാനം എടുത്തപ്പോഴേക്കും കത്രീനയ്ക്ക് നാല്പത്തിയേഴ് വയസ്സായിരുന്നു. അതിനാല് തന്നെ ഗുരുതരാവസ്ഥയിലായ കത്രീനയെ ആശുപത്രിയിലാക്കാന് കുടുംബം തീരുമാനിച്ചു. കത്രീന കിടക്കുന്ന മുറിയുടെ വാതിലൂടെ അവര്ക്ക് പുറത്ത് കടക്കാന് കഴിയാതെ വന്നു. ഒടുവില്, കത്രീനയുടെ മുറിയുടെ ഒരു ഭാഗം പൊളിച്ചായിരുന്നു അവരെ മുറിക്ക് പുറത്തെത്തിച്ചത്. ഇത് മാത്രമല്ല നിലവില് ലഭ്യമായ ആംബുലന്സുകളില് അവരെ കയറ്റുന്നതും സാധ്യമായിരുന്നില്ല. തുടര്ന്ന് ഒരു ബുള്ഡോസര് കൊണ്ടുവന്ന് അതിലിരുത്തിയാണ് കത്രീനയെ ആശുപത്രിയിലെത്തിച്ചത്.
തുടര്ന്ന് നടത്തിയ നിരന്തരമായ ഡയറ്റ് പരീഷണങ്ങള്, പരിശോധനകള്, ശസ്ത്രക്രിയകള്, ചിട്ടയായ വ്യായാമം എന്നിവയിലൂടെ കത്രീനയുടെ ഭാരം അതിശയകരമായി കുറയാന് കാരണമായി. ഭാരത്തില് കാര്യമായ കുറവ് വന്നെങ്കിലും അവരുടെ ചര്മ്മം കുറയ്ക്കുകയെന്നത് മറ്റൊരു വെല്ലുവിളിയായിരുന്നു. ശരീരത്തില് അമിതമായുള്ള ത്വക്ക് നീക്കം ചെയ്യുന്ന ശസ്ത്രക്രിയയ്ക്കായി ധാരാളം പണം ആവശ്യമാണ് അതിനാല് തന്നെ ശരീരഭാരം കുറയ്ക്കാനായി പണം സ്വരൂപിക്കാനുള്ള ശ്രമത്തിലാണ് ഇപ്പോള് കത്രീന.
