ബോളിവുഡിന്റെ കിംഗ് ഖാന് ഷാരൂഖ് ഖാനും തെന്നിന്ത്യന് ലേഡി സൂപ്പര്സ്റ്റാര് നയന്താരയും ആദ്യമായി ഒരുമിക്കുന്ന സിനിമയാണ് ‘ജവാന്’. അറ്റ്ലി സംവിധാനം ചെയ്യുന്ന മാസ്, ആക്ഷൻ ചിത്രമായ ‘ജവാന്’ പ്രേക്ഷകര് ആവേശത്തോടെയാണ് കാത്തിരിക്കുന്നത്. ഇപ്പോഴിതാ സിനിമയുടെ പ്രിവ്യൂ പോസ്റ്റര് റിലീസ് ചെയ്തിരിക്കുകയാണ്. തോക്കേന്തി കൂളിംഗ് ഗ്ളാസ് ധരിച്ച് ബോള്ഡ് ലുക്കിലാണ് നയന്താര പോസ്റ്ററില്. അതിനെക്കുറിച്ച് ട്വിറ്ററില് എസ്ആര്കെ കുറിച്ചിട്ടുമുണ്ട്. ‘കൊടുങ്കാറ്റിനു മുൻപ് വരുന്ന ഇടിമുഴക്കം ആണ് അവള്...’ എന്നാണ് ഷാരൂഖ് ട്വീറ്റ് ചെയ്തത്. ഷാരൂഖും അറ്റ്ലിയും ഒരുമിക്കുന്ന ‘ജവാൻ’ ലേഡി സൂപ്പര്സ്റ്റാര് നയൻതാരയുടെയും സംവിധായകനായ അറ്റ്ലിയുടെയും ബോളിവുഡിലെ അരങ്ങേറ്റ ചിത്രം കൂടിയാണ്.
വില്ലന് വേഷത്തില് സിനിമയില് തിളങ്ങുന്നത് വിജയ് സേതുപതിയാണ്. സന്യ മല്ഹോത്ര, പ്രിയാമണി എന്നിവരും ചിത്രത്തിലുണ്ട്. അനിരുദ്ധ് രവിചന്ദറാണ് സംഗീതസംവിധാനം. ഹിന്ദി, തമിഴ്, തെലുങ്ക് ഭാഷകളിലായി ഒരുങ്ങുന്ന ചിത്രം സെപ്തംബര് 7 ന് തിയേറ്ററുകളിലെത്തും. റെഡ് ചില്ലീസ് എന്റര്ടെയ്ൻമെന്റിന്റെ ബാനറില് ഗൗരി ഖാനാണ് സിനിമ നിര്മ്മിക്കുന്നത്.
