തിരുവനന്തപുരം : കല്ലമ്പത്ത് ഒന്പത് വയസുകാരനെ പ്രകൃതിവിരുദ്ധ പീഡനത്തിന് ഇരയാക്കിയ യുവാവിനെ പോലീസ് അറസ്റ്റ് ചെയ്തു. കല്ലമ്പലം മണമ്പൂര് സ്വദേശി മണികണ്ഠന് ആണ് അറസ്റ്റിലായത്. കഴിഞ്ഞ പതിനേഴാം തീയതിയായിരുന്നു കേസിന് ആസ്പദമായ സംഭവം നടന്നത്.
ഒന്പത് വയസ് പ്രായമുളള ആണ്കുട്ടിയെ വര്ണ്ണ മത്സ്യത്തെ നല്കാമെന്നു പറഞ്ഞു പ്രലോഭിപ്പിച്ചാണ് മണികണ്ഠന്റെ വീട്ടിലേക്ക് വിളിച്ചു വരുത്തിയത്. കുട്ടിയുടെ മാതാപിതക്കള് ബലിതര്പ്പണത്തിന് പോയ സമയത്ത് ആയിരുന്നു സംഭവം . കഴിഞ്ഞ ദിവസം വീട്ടില്വെച്ച് കുട്ടി ശാരീരികമായ അസ്വസ്ഥകള് പ്രകടിപ്പിച്ചു. ഇതോടെ കുട്ടിയുടെ മാതാവ് ചോദിച്ചപ്പോഴാണ് പീഡനം വിവരം തുറന്നു പറഞ്ഞത്.
കുട്ടിയുടെ മാതാവ് കല്ലമ്പലം പോലീസ് സ്റ്റേഷനില് എത്തി പരാതി നല്കുകയായിരുന്നു. കേസെടുത്ത് അന്വേഷണം ആരംഭിച്ച പോലീസ് പ്രതിയെ പിടികൂടി. ഇയാള്ക്കെതിരെ പോക്സോ ഉള്പ്പടെയുളള വകുപ്പുകള് ചുമത്തിയിട്ടുണ്ട്. വര്ക്കല കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
