ഒരു തവണ എങ്കിലും ലോട്ടറി ഒന്നടിച്ചിരുന്നെങ്കില് എന്ന് ചിന്തിക്കാത്തവരായി ആരും കാണില്ല. ഒരിക്കലെങ്കിലും ഭാഗ്യപരീക്ഷണം നടത്തി നോക്കിയേക്കാം എന്ന് കരുതുന്നവരും ഏറെയുണ്ടാകും. എന്നാല് ചുരുക്കം ചില ആളുകള്ക്ക് മാത്രമാണ് ലോട്ടറി ഭാഗ്യം കൈവരുന്നത്. ഇത്തരത്തില് മിഷിഗണിലെ ഒരു സ്ത്രീക്ക് അത്തരത്തിലൊരു ഭാഗ്യം ലഭിച്ചിരിക്കുകയാണ്. എന്നാല്, അതിനേക്കാളൊക്കെ അവര്ക്ക് സന്തോഷം തോന്നിയത് വേറൊന്നും കൊണ്ടല്ല. അവരുടെ ജീവിതത്തിലെ വളരെ പ്രധാനപ്പെട്ട ഒരു ദിവസമാണ് അവര്ക്ക് ആ സന്തോഷാനുഭവം ഉണ്ടായത് എന്നത് കൊണ്ട് കൂടിയാണ്. കാരണം ലോട്ടറി അടിച്ച അതേ ദിവസം ഇവരുടെ ഭര്ത്താവിന്റെ പിറന്നാള് കൂടിയായിരുന്നു.
മിഷിഗണിലെ വാഷ്ടെനാവ് കൗണ്ടിയിലെ ക്രിസ്റ്റിന് മുറാവ്സ്കി എന്ന 46 -കാരിക്കാണ് ലോട്ടറിയടിച്ചത്. അതേ ദിവസം ഭര്ത്താവിന്റെ പിറന്നാള് ആയതുകൊണ്ട് തന്നെ അവര്ക്കത് ഇരട്ടിമധുരമായി. ഏകദേശം രണ്ടരക്കോടി രൂപയാണ് ഇവര്ക്ക് ലോട്ടറി അടിച്ചിരിക്കുന്നത്. ജീവിതം സുരക്ഷിതമായി എന്ന് പ്രത്യേകം പറയേണ്ടതില്ലല്ലോ. അന്ന് ക്രിസ്റ്റിന്റെ ഭര്ത്താവ് സ്കോട്ടിന്റെ പിറന്നാളായിരുന്നു. വീട്ടിലേക്ക് പിറന്നാള് ആഘോഷിക്കാന് പോകുന്നതിന് മുമ്പായി അയല്ക്കാരുടെ വീട്ടില് നില്ക്കുകയായിരുന്നു ഭാര്യയും ഭര്ത്താവും. ആ സമയത്താണ് ക്രിസ്റ്റിന്റെ സഹോദരന് അവള്ക്ക് സമ്മാനാര്ഹമായ ലോട്ടറി നമ്പര് മെസേജായി അയച്ചു കൊടുക്കുന്നത്. ആ നമ്പര് കണ്ടതും അവള് ഞെട്ടിപ്പോയി. പിന്നെ ഭര്ത്താവിനോട് നമുക്ക് ലോട്ടറി അടിച്ചു, അത് സംഭവിച്ചു എന്ന് പറഞ്ഞു. ഭര്ത്താവിന്റെ വാ പിളര്ന്നുപോയി അത് കേട്ട് എന്നാണ് ക്രിസ്റ്റിന് വെളിപ്പെടുത്തിയത്.
സ്കോട്ട് വിരമിക്കാന് ഇനി വളരെ കുറച്ച് കാലം കൂടി മാത്രമേ ഉള്ളൂ. എങ്കിലും മുന്നോട്ടുള്ള ജീവിതത്തെ കുറിച്ച് തങ്ങള്ക്ക് ഇപ്പോള് ആശങ്കയില്ല എന്നാണ് ക്രിസ്റ്റിന് പറയുന്നത്. ഏതായാലും ഭര്ത്താവിന്റെ പിറന്നാളിന് ഇത്രയും വില കൂടിയ സമ്മാനം തന്നെ കൊടുത്ത മറ്റാരും ഉണ്ടാകില്ല എന്നാണ് പലരും അഭിപ്രായപ്പെടുന്നത്.
