വ്യാജ ലഹരി കേസിൽ അന്യായ തടങ്കലിൽ 72 ദിവസം കിടന്ന ഷീല സണ്ണിയുടെ പുതിയ ബ്യൂട്ടി പാർലർ പ്രവര്ത്തനം ആരംഭിച്ചു. ആറ് മാസത്തോള്ളമായി ഇത് അടഞ്ഞുകിടക്കുകയായിരുന്നു. പുതിയ കടയ്ക്കും ഷീ സ്റ്റൈൽ എന്ന പഴയ പേര് തന്നെയാണ്ഷീല നൽകിയിരിക്കുന്ന പേര്.
ബ്യുട്ടി പാർലർ വീണ്ടും തുറക്കാൻ മലപ്പുറം കേന്ദ്രമാക്കിയ സന്നദ്ധ സംഘടനയാണ്ഷീലയ്ക്ക് സഹായം നൽകിയത്. ഇവര് ലഹരി കേസിൽ അറസ്റ്റിലായതോടെ കടമുറി ഒഴിയാൻ അവശ്യപ്പെട്ട ഉടമ തന്നെയാണ് കുടുതൽ സൗകര്യങ്ങുളള മുറി ബ്യുട്ടി പാർലറിന് നൽകിയത്. ബ്യുട്ടി പാർലർ ചാലക്കുടി എം എൽ എ സനീഷ് കുമാർ ജോസഫാണ് ഉദ്ഘാടനം ചെയ്തത്.
തിരിച്ചുവരവിന് കാരണമായത് കുടുംബത്തിന്റെയും സാമൂഹിക സംഘടനകളുടെയും പിന്തുണയാണെന്ന് ഷീല സണ്ണി പറഞ്ഞു. വ്യാജ എൽ എസ് ഡി സ്റ്റാമ്പ് തന്റെ ബാഗിലും സ്കൂട്ടറിലും വച്ച പ്രതി ആരാണെന്ന് അറിയണമെന്നും നിയമപോരട്ടവുമായി മുൻപോട്ട് പോകുമെന്നും നമ്മൾ തെറ്റ് ചെയ്തിട്ടിലെങ്കിൽ ആരെയും പേടിക്കണ്ട അവശ്യമില്ലെന്നും എത് പ്രതിസന്ധിയെയും നമുക്ക് അതിജീവിക്കാമെന്നും ഷീല സണ്ണി പറയുന്നു.
ഇരിങ്ങാലക്കുട എക്സൈസ് സര്ക്കിള് ഇന്സ്പക്ടര് കെ സതീശനും സംഘവും കഴിഞ്ഞ ഫെബ്രുവരി 27 -നാണ് എല്എസ്ഡി സ്റ്റാമ്പ് കൈവശം വച്ചെന്നാരോപിച്ച് അറസ്റ്റ് ചെയ്തത്. പിടിച്ചെടുത്ത വസ്തു എല് എസ് ഡി അല്ലെന്ന് കാക്കനാട്ടെ കെമിക്കല് ലാബില് നിന്ന് പരിശോധനാ ഫലം പുറത്തുവന്നെങ്കിലും ഷീല 72 ദിവസം ജയില് വാസം അനുഭവിച്ചു കഴിഞ്ഞിരുന്നു. തെറ്റുപറ്റിയ എക്സൈസ് ഉദ്യോഗസ്ഥനെ സസ്പെൻഡ് ചെയ്തതല്ലാതെ വ്യാജ എല്എസ്ഡി സ്റ്റാമ്പ് ഇവരുടെ ബാഗിലും സ്കൂട്ടറിലും വച്ച പ്രതിയെ ഇതുവരെ കണ്ടെത്താനായിട്ടില്ല.
