മലയാളികളുടെ സ്വന്തം താരരാജാവ് മോഹന്ലാലിനെക്കുറിച്ചുള്ള എന്ത് വാര്ത്തകളും ആരാധകര് ഏറ്റെടുക്കാറുണ്ട്. താരത്തിന്റെ പുതിയ ചിത്രങ്ങളെല്ലാം സോഷ്യല് മീഡിയയിലൂടെ ട്രെന്ഡിംഗാകാറുണ്ട്. മഞ്ഞില് വിരിഞ്ഞ പൂക്കളില് വില്ലനായി എത്തി പിന്നീട് മലയാളത്തിന്റെ സൂപ്പര്താരമായി ഉയര്ന്നിരിക്കുകയാണ് മോഹന്ലാല്. പ്രായമോ ഭാഷയോ ഒന്നും താരത്തിന്റെ ആരാധനയ്ക്ക് വിലങ്ങുതടിയാകാറില്ല. താരത്തിന്റേതായി പുറത്തു വരുന്ന ഏതൊരു ചിത്രത്തിനും ആരാധകര് ഏറെയാണ്. വൻ ആഘോഷമായാണ് താരത്തിന്റെ ഓരോ ഫോട്ടോയും വീഡിയോയും ആരാധകര് ഏറ്റെടുക്കാറുള്ളത്. ഇപ്പോഴിതാ താരത്തിന്റെ ഏറ്റവും പുതിയ ഫോട്ടോയാണ് സോഷ്യല് മീഡിയയില് ട്രെന്ഡിംഗാകുന്നത്. സംവിധായകൻ അനീഷ് ഉപാസന പകര്ത്തിയ ചിത്രങ്ങള് സോഷ്യല് മീഡിയയിലൂടെ പങ്കിട്ടിരിക്കുന്നത് അനീഷ് തന്നെയാണ്. മോഹൻലാലിന്റെ പുതിയ ഫോട്ടോകളില് വ്യത്യസ്ത ഭാവത്തില് നല്ല അസ്സലായി ചിരിക്കുന്ന താരത്തെ കാണാം. വെള്ള ഷര്ട്ടും ബ്ലാക് പാന്റും തൊപ്പിയും ധരിച്ച് മാസ് കൂളായാണ് മോഹൻലാല് ചിത്രത്തിലുള്ളത്. ‘‘നീ “ചെകുത്താൻ” വേദമോതുന്നത് കേട്ടിട്ടുണ്ടോ..?
ഇസീക്കയിൽ 25:17 പഴയ നിയമം...
കൊള്ളരുതാത്തവർ തങ്ങളുടെ സ്വാർത്ഥത കൊണ്ടും ക്രൂരത കൊണ്ടും നീതിമാന്മാരുടെ പാതയെ എല്ലാ വശങ്ങളിൽ നിന്നും ആക്രമിക്കുന്നു. ഈ അന്ധതയുടെ താഴ്വരയിൽ നിന്നും നീതിമാനെ കരകയറ്റുന്നവൻ അനുഗ്രഹീതനാകുന്നു .
കാരണം അവൻ സത്യമായും അവന്റെ സഹോദരങ്ങളുടെ രക്ഷകനും വഴി തെറ്റിയ കുഞ്ഞാടുകളുടെ വഴികാട്ടിയുമാണ്.
അതിനാൽ എന്റെ സഹോദരങ്ങളെ വിഷം കുത്തി നശിപ്പിക്കാൻ തുനിയുന്നവർ ആരായാലും അവരുടെ മേൽ അശനിപാതം പോലെ ഞാൻ പ്രഹരമേൽപ്പിക്കും എന്റെ പകയിൽ നീറിയോടുങ്ങുമ്പോൾ അവരറിയും ഞാൻ അവരുടെ ഒരേ ഒരു രാജാവാണെന്ന്..
ഒരേ ഒരു രാജാവ്...’’ എന്നാണ് അനീഷ് ചിത്രത്തിനൊപ്പം കുറിച്ചിരിക്കുന്നത്.
മോഹന്ലാല് ഇപ്പോള് അഭിനയിച്ചു കൊണ്ടിരിക്കുന്നത് വൃഷഭ എന്ന ചിത്രത്തിലാണ്. ലിജോ ജോസ് പെല്ലിശ്ശേരി സംവിധാനം ചെയ്ത മലൈക്കോട്ടൈ വാലിബനില് ആയിരുന്നു താരം അവസാനമായി അഭിനയിച്ചത്. ഓഗസ്റ്റ് 10 തിയറ്ററുകളില് എത്തുന്ന രജനീകാന്തിന്റെ ജയിലര് എന്ന സിനിമയിലും മോഹന്ലാല് അഭിനയിക്കുന്നുണ്ട്. താരം ആദ്യമായി സംവിധാനം ചെയ്യുന്ന ബറോസ് ഈ വര്ഷം ഡിസംബറില് റിലീസ് ചെയ്യുമെന്ന് താരം പറഞ്ഞിട്ടുണ്ട്.
