ഫഹദിന്റെ രണ്ട് കണ്ണുകളും തനിക്ക് വളരെ ഇഷ്ടമാണെന്നും അതിലൂടെയാണ് രത്നവേലിനെ സൃഷ്ടിച്ചതെന്നും മാരി സെല്വരാജ്. ഫഹദിന് പിറന്നാൾ ആശംസിച്ചുകൊണ്ട് സോഷ്യൽമീഡിയയിൽ പങ്കുവച്ച കുറിപ്പിലാണ് മാരി സെല്വരാജ് വാചാലനായത്.
''നിങ്ങളുടെ രണ്ട് കണ്ണുകളും എനിക്ക് വളരെയേറെ ഇഷ്ടമാണ്. ആ രണ്ട് കണ്ണുകള് കൊണ്ടാണ് ഞാന് എന്റെ രത്നവേല് എന്ന കഥാപാത്രത്തെ സൃഷ്ടിച്ചത്. ഒരു കണ്ണില് തലമുറകളായി പഠിപ്പിച്ച ജീവിതരീതി ശരിയാണെന്ന വിശ്വാസം സൂക്ഷിക്കാനാണ് ഞാന് പറഞ്ഞത്. മറു കണ്ണില് പുതിയ തലമുറയില് പൊട്ടിമുളച്ച ജീവിതത്തിന്റെ വൈരുദ്ധ്യങ്ങളെക്കുറിച്ചുള്ള ആക്രമണാത്മക ചോദ്യങ്ങളും ആശയക്കുഴപ്പങ്ങളും അവതരിപ്പിക്കുക എന്നതാണ്. താങ്കള് എന്റെ സിനിമയിലുടനീളം രണ്ട് കണ്ണുകളിലും രണ്ട് വിപരീത ജീവിതങ്ങളുമായി ഒരേ വഴിയിലൂടെ സഞ്ചരിച്ചു. അവസാനം ഞാന് രണ്ടു കണ്ണുകളും അടയ്ക്കാന് പറഞ്ഞു. എന്തിനെന്ന് ചോദിക്കാതെ താങ്കള് അത് അടച്ചു. താങ്കളുടെ നെഞ്ചിലെ ഡോ. അംബേദ്കറുടെ ശബ്ദം കേട്ടു. ആ നിമിഷത്തില്, താങ്കള് ഓടിവന്ന് എന്നെ കെട്ടിപ്പിടിച്ച നിമിഷം ഞാന് വളരെ സന്തോഷത്തോടെ പറയുന്നു. ജന്മദിനാശംസകള് ഫഹദ് സാര്''- മാരി സെല്വരാജ് കുറിച്ചു.
മാരി സെല്വരാജ് സംവിധാനം ചെയ്ത 'മാമന്നന്' ആണ് ഫഹദിന്റെ ഏറ്റവും പുതിയ ചിത്രം. വടിവേലു, ഉദയനിധി സ്റ്റാലിന്, കീര്ത്തി സുരേഷ് എന്നിവരാണ് ചിത്രത്തില് മറ്റു വേഷങ്ങളിലെത്തിയത്. തിയേറ്ററില് വന് വിജയം നേടിയ ശേഷം ജൂലൈ മാസം 27ന് നെറ്റ്ഫ്ളിക്സിലൂടെ ഒടിടിയിൽ വന്നതോടെ മാമന്നനേക്കുറിച്ചുള്ള ചര്ച്ചകള് ചൂടുപിടിച്ചിരുന്നു. ഫഹദ് ഫാസില് അവതരിപ്പിച്ച രത്നവേലു എന്ന കഥാപാത്രമാണ് അതിന് കാരണമായത്. മാമന്നനില് ഒപ്പം അഭിനയിച്ച മറ്റുതാരങ്ങളേക്കാള് മുകളില് നില്ക്കുന്ന പ്രകടനമാണ് ഫഹദ് ഫാസില് നടത്തിയത് എന്ന പ്രേക്ഷക വിലയിരുത്തല് വന്നതിനേ തുടര്ന്നാണിത്.
മലയാളത്തില് ധൂമം ആണ് ഫഹദിന്റേതായി ഒടുവില് പുറത്തിറങ്ങിയ ചിത്രം. പാട്ട്, പുഷ്പ 2 ദ റൂള് തുടങ്ങിയ സിനിമകളാണ് ഫഹദിന്റേതായി അണിയറയിൽ ഒരുങ്ങുന്നത്.
வணக்கம் பகத் சார்!!!
உங்கள் இரண்டு கண்களும் எனக்கு அவ்வளவு பிடிக்கும். அந்த இரண்டு கண்களை வைத்துதான் என் ரத்தினவேல் கதாபாத்திரத்தை உருவாக்கினேன். ஒரு கண்ணில் பல தலைமுறைகளாக சொல்லிக்கொடுக்கப்பட்ட வாழ்க்கைமுறை சரி என்ற நம்பிக்கையை தீர்க்கமாக வையுங்கள் என்றேன். மற்றொரு கண்ணில்… pic.twitter.com/PzF1HO2Myn— Mari Selvaraj (@mari_selvaraj) August 8, 2023
