ചുരുങ്ങിയ കാലം മാത്രം സിനിമാ രംഗത്ത് നിന്ന നടിയാണ് സമീറ റെഡ്ഡി. തെന്നിന്ത്യയിലും ബോളിവുഡിലും ശ്രദ്ധേയ സാന്നിധ്യമാകാന് സമീറയ്ക്ക് കഴിഞ്ഞു. വിവാഹ ശേഷമാണ് നടി അഭിനയ രംഗത്ത് നിന്നും പിന്മാറിയത്. 2014 ലാണ് ബിസിനസുകാരനായ അക്ഷയ് വര്ദയുമായി സമീറ വിവാഹിതയാകുന്നത്. ഇന്ന് രണ്ട് കുട്ടികളുടെ മാതാപിതാക്കളാണ് ഇരുവരും.
സോഷ്യല് മീഡിയയിലും സജീവമാണ് താരം. ഇപ്പോഴിതാ തന്റെ വിവാഹത്തെക്കുറിച്ച് സമീറ പറഞ്ഞ വാക്കുകളാണ് ശ്രദ്ധ നേടുന്നത്. തന്റെ വീട്ടിലെ ടെറസില് വെച്ചാണ് വിവാഹം നടന്നത്. പെട്ടെന്ന് വിവാഹം ചെയ്തതിന് കാരണം താന് ഗര്ഭിണിയായതാണെന്ന് മാധ്യമങ്ങള് കരുതിയെന്നും സമീറ ചൂണ്ടിക്കാട്ടി.
‘ടെറസില് വെച്ചാണ് വിവാഹം നടന്നത്. അഞ്ച് ദിവസത്തിനുള്ളില് വിവാഹം നടന്നു. ഈ പെണ്കുട്ടി ഗര്ഭിണിയാണെന്ന് മുഴുവന് മാധ്യമങ്ങളും കരുതിയെന്ന് എനിക്ക് ഉറപ്പാണ്. പക്ഷെ ഞാന് ഗര്ഭിണി ആയിരുന്നില്ല. പണ്ഡിത്ജി നിര്ദ്ദേശിച്ച ഡേറ്റിന് വിവാഹം നടക്കുകയായിരുന്നെന്നും സമീറ വ്യക്തമാക്കി. വിവാഹത്തിന് പറ്റിയ അടുത്ത ശുഭ മുഹൂര്ത്തം മെയ് മാസത്തിലാണ്. അപ്പോള് വളരെ ചൂടാണെന്ന് ഞാന് കരുതി. ഇതോടെ ജനുവരി 21 നല്ല സമയമാണെന്ന് അദ്ദേഹം പറഞ്ഞു.
കാലാവസ്ഥയും നല്ലതായതിനാല് അന്ന് വിവാഹം നടത്താന് തീരുമാനിക്കുകയായിരുന്നെന്നും ’സമീറ റെഡ്ഡി വ്യക്തമാക്കി. ടെസ് എന്ന സിനിമയുടെ പ്രൊമോഷന് പരിപാടിയില് പങ്കെടുക്കവെയാണ് സമീറ അക്ഷയ് വര്ദയെ പരിചയപ്പെടുന്നത്.
