തെന്നിന്ത്യ മുഴുവന് ആരാധകരുള്ള താരമാണ് രാശ്മിക മന്ദാന. ഭാഷയുടെ അതിര്വരമ്പുകള് കടന്നാണ് താരത്തിന് വലിയൊരു ആരാധകശ്രേണി തന്നെയുള്ളത്. താരത്തിന്റേതായി പ്രേക്ഷകര്ക്ക് ഇഷ്ടമുള്ള ചിത്രങ്ങള് ഏറെയുണ്ടെങ്കിലും അതില് മുന്പന്തിയിലുള്ളത് തെലുങ്ക് ചിത്രമായ ഗീത ഗോവിന്ദമാണ്. ഇപ്പോഴിതാ ഈ സിനിമ റിലീസ് ചെയ്തതിന്റെ അഞ്ച് വര്ഷത്തെ വാര്ഷികം സോഷ്യല് മീഡിയയിലൂടെ പങ്കിടുകയാണ് താരം. തന്റെ കരിയറിലെ ഒരു സുപ്രധാന നാഴികക്കല്ല് ആഘോഷിക്കുന്ന ചിത്രമായതു കൊണ്ടാകാം അതിന്റെ സന്തോഷം ചിത്രത്തിന്റെ നായകനായ വിജയ് ദേവരകൊണ്ടയ്ക്കും സംവിധായകന് പരശുറാം പേട്ലയ്ക്കുമൊപ്പം ആഘോഷിക്കുന്ന ചിത്രം താരം പങ്കിട്ടത്. തനിക്ക് ലഭിച്ച അചഞ്ചലമായ പിന്തുണയ്ക്കും വാത്സല്യത്തിനും രശ്മിക നന്ദി കുറിച്ചിട്ടുണ്ട്.‘‘ഞങ്ങളിൽ നിന്ന് നിങ്ങൾക്ക് സ്വാതന്ത്ര്യദിന ആശംസകൾ... ഒപ്പം ഗീതാഗോവിന്ദത്തിന്റെ 5 വർഷത്തെ ആശംസകൾ എന്റെ പ്രിയപ്പെട്ടവരേ...എല്ലാത്തിനും നന്ദി. ശരിക്കും! എപ്പോഴും അങ്ങേയറ്റം നന്ദിയുള്ളവളാണ്...’’ എന്നാണ് ചിത്രത്തിനൊപ്പം താരം കുറിച്ചത്.
ഭാഷാ ദേശഭേദമന്യേ എല്ലാ പ്രേക്ഷകരുടെയും ഹൃദയത്തില് മായാത്ത മുദ്ര പതിപ്പിച്ചതാണ് ഈ ചിത്രം. ഈ സിനിമയിലെ ‘ഇങ്കേം ഇങ്കേം കാവാലേ’ എന്ന ശ്രുതിമധുരമായ ട്രാക്ക് ചാര്ട്ട്-ടോപ്പിംഗില് മുന്പന്തിയിലായിരുന്നു. ഒരു പ്രിയപ്പെട്ട ഫാമിലി എന്റര്ടെയ്നര് എന്ന നിലയില് നായകനായ വിജയ്യുടെയും നായികയായ രാശ്മികയുടെയും കരിയറിലെ ഒരു സുപ്രധാന നാഴികക്കല്ലായി ഗീത ഗോവിന്ദം നിലകൊള്ളുന്നു. ഈ ജനപ്രിയ ചിത്രം തെലുങ്ക് ചലച്ചിത്ര വ്യവസായത്തിലെ ഒരു പ്രമുഖ വ്യക്തിയായി രാശ്മിക മാറാനൊരു കാരണമായി.
