തിരുപ്പതി: ഒരു വര്ഷത്തോളം കൂട്ടബലാത്സംഗത്തിന് ഇരയാക്കിയെന്നും വീഡിയോ പകര്ത്തിയെന്നും ആരോപിച്ച് മദ്ധ്യവയസ്ക്ക നല്കിയ പരാതിയി പോലീസ് കേസെടുത്തു. ആന്ധ്രയിലെ കല്യണ്ദുര്ഗ് മണ്ഡലില് അനാഥയായ ദളിത് യുവതിയാണ് ആരോപണവുമായി രംഗത്ത് വന്നിരിക്കുന്നത്. അക്രമിസംഘം തന്നെ തുടരെത്തുടരെ ബലാത്സംഗത്തിന് ഇരയാക്കിയെന്നും മര്ദ്ദിക്കുകയും ബ്ളാക്ക്മെയില് ചെയ്യുകയും ലൈംഗികരംഗം വീഡിയോയില് ചിത്രീകരിക്കുകയും ചെയ്തതായി ആരോപിക്കുന്നു. ഇവര് നല്കിയ പരാതിയില് പോലീസ് കേസെടുത്തിട്ടുണ്ട്.
പ്രതി രാഷ്ട്രീയപാര്ട്ടിയുമായി ബന്ധമുള്ള ആളായതിനാല് തന്റെ പരാതിയില് കേസെടുക്കാന് പോലീസ് ആദ്യം കൂട്ടാക്കിയില്ലെന്നും പറഞ്ഞു. ഇതേ തുടര്ന്ന് ജില്ലാ പോലീസ് സൂപ്രണ്ട് കെ. ശ്രീനിവാസ് റാവുവിന് നേരിട്ട് പരാതി നല്കുകയും അദ്ദേഹം അന്വേഷണത്തിന് ഉത്തരവിടുകയും ആയിരുന്നു. മാതാപിതാക്കള് മരണപ്പെട്ടതിനെ തുടര്ന്ന് വീട്ടില് തനിച്ചാണ് യുവതി. നേരത്തേ വിവാഹം കഴിച്ചയാളാണ് യുവതി. എന്നാല് ഇവര് പിന്നീട് മാനസീകരോഗത്തെ തുടര്ന്ന് വീട്ടിലേക്ക് തിരികെ പോന്നിരുന്നു.
സ്ഥലത്തെ പ്രധാന രാഷ്ട്രീയപാര്ട്ടിയുമായി ബന്ധമുള്ള അഞ്ചുപേര് ഒരു വര്ഷം മുമ്പ് തന്നെ ബലാത്സംഗം ചെയ്യുകയും രംഗങ്ങള് വീഡിയോയില് പകര്ത്തുകയും ചെയ്തതായി യുവതി പരാതിയില് പറയുന്നു. വിവരം പുറത്ത് ആരോടെങ്കിലും പറഞ്ഞാല് ഗുരുതരമായ പ്രത്യാഘാതങ്ങള് നേരിടേണ്ടി വരുമെന്ന് പറഞ്ഞ് ഭീഷണിപ്പെടുത്തുകയും ചെയ്തു. അന്നുമുതല് ഇവര് നിരന്തരം ലൈംഗിക ചൂഷണത്തിന് ഇരയാക്കുന്നുണ്ട്. മൂന്ന് മാസം മുമ്പ് പ്രതികളില് ഒരാള് നാട്ടുകാരന് കൂടിയായ ബോയാഹരി എന്നയാള്ക്ക് വീഡിയോ ഷെയര് ചെയ്യുകയും അയാളും തന്നെ ബലാത്സംഗത്തിന് ഇരയാക്കി.
ലൈംഗികചൂഷണം സഹിക്കാന കഴിയാത്ത സ്ഥിതിയില് ആയതോടെയാണ് ഇവര് ആത്മഹത്യയ്ക്ക് വരെ ശ്രമിച്ചു. ആഗസ്റ്റ് 10 ന് ബോയാഹരി വീണ്ടും ബലാത്സംഗത്തിന് മുതിര്ന്നാപ്പോള് ഇവര് ഒച്ചവെച്ച് ആളെ കൂട്ടുകയും അവര് കല്യാണ്ദുര്ഗ് പോലീസിനെ അറിയിക്കുകയും ആയിരുന്നു. പ്രതിയെ പോലീസ് കസ്റ്റഡിയില് എടുത്ത് പോലസ് സ്റ്റേഷനില് കൊണ്ടുവന്നിട്ടുണ്ട്. എന്നാല് തന്റെ പരാതിയില് പോലീസ് കേസെടുക്കാന് തയ്യാറാകാതെ വന്നതോടെയാണ് താന് എസ്പി ഓഫീസില് പോയതെന്ന് ഇവര് പറഞ്ഞു. സംഭവം ഇപ്പോള് വനിതാ സംഘടനകളും ഏറ്റെടുത്തിരിക്കുകയാണ്.
സംഭവത്തില് കല്യാണ്ദുര്ഗ് പോലീസ് അന്വേഷണം ആരംഭിച്ചിട്ടുണ്ട്. അതേസമയം യുവതിയുടെ പരാതിയില് കേസ് എടുത്തില്ല എന്ന ആരോപണത്തില് പോലീസ് പറയുന്നത് മറ്റൊന്നാണ്. അനാശാസ്യപ്രവര്ത്തനം നടക്കുന്നെന്ന് നാട്ടുകാര് രാത്രിയില് വിളിച്ചു പറഞ്ഞെന്നും എന്നാല് രാത്രി ഏറെ വൈകിയതിനാല് നാളെ വരാമെന്ന് പറഞ്ഞെങ്കിലും നാട്ടുകാര് സമ്മതിക്കാതെ വന്നതിനെ തുടര്ന്ന് യുവതിയേയും കാമുകനെയും കസ്റ്റഡിയില് എടുത്തു. എന്നാല് സ്റ്റേഷനില് കൊണ്ടുവന്നപ്പോള് യുവതി യുവാവിനെതിരേ ബലാത്സംഗ ആരോപണം നടത്തുകയായിരുന്നെന്നാണ് ഇന്സ്പക്ടര് എസ്പിയ്ക്ക് നല്കിയ മറുപടി.
