സംഗീതസംവിധായകനായി മാത്രമല്ല പ്രണയിനികളുടെ കാര്യത്തിലും സോഷ്യല് മീഡിയയിലൂടെ ശ്രദ്ധ പിടിച്ചു പറ്റുന്ന താരമാണ് ഗോപി സുന്ദര്. താരത്തിന്റെ മികവാര്ന്ന ഗാന സൃഷ്ടിയെക്കാളും ചര്ച്ച ചെയ്യപ്പെടുന്നത് സ്വകാര്യ ജീവിതമാണ്. ആദ്യ വിവാഹവും, പിന്നാലെ നടന്ന ലിവിങ് ടുഗദറും, അമൃതയുമായുള്ള ജീവിതവും എല്ലാം ചര്ച്ചയായതാണ്. ഇപ്പോഴിതാ പുത്തന് ചിത്രങ്ങളാണ് താരത്തിന്റെ പേരില് ചര്ച്ചയാകുന്നത്. ഗോപിക്ക് ഒപ്പം എത്തിയ പ്രിയ നായരാണ് ചര്ച്ചയ്ക്കുള്ള കാരണം. പ്രിയയെ നെഞ്ചോട് ചേര്ത്തുനിര്ത്തിയ ഗോപി സുന്ദറിന്റെ ചിത്രം പ്രിയ നായര് പങ്കിട്ടതോടെയാണ് ചര്ച്ചകള്ക്ക് തുടക്കം കുറിച്ചത്. ആരാണ് ആ സുന്ദരി എന്നറിയാന് ആയിരുന്നു കൂടുതല് ആളുകള്ക്കും താത്പര്യം. ഇടക്ക് ഉസ്താദ് ഹോട്ടലില് എത്തിയ ചിത്രവും പ്രിയയെ ടാഗ് ചെയ്തുകൊണ്ട് ഗോപി പങ്കിട്ടിരുന്നു. ചിത്രം വൈറലായതോടെ കമന്റുകളുടെയും ചര്ച്ചകളുടെ ആക്കം കൂടി. പ്രിയ ആര്ട്ടിസ്റ്റാണെന്ന് കണ്ടെത്തിയെങ്കിലും ഗോപി സുന്ദര് ഡേറ്റിങ്ങില് ആണെന്ന തരത്തിലുള്ള പ്രചാരണം ശരിവയ്ക്കുന്ന ഒന്നും അവരുടെ പ്രൊഫൈലില് ഇല്ലായിരുന്നു. പക്ഷേ പതിനൊന്ന് ആഴ്ചകള്ക്ക് മുന്പുള്ള ഒരു ചിത്രത്തില് ഗോപി സുന്ദറിന്റെ പിറന്നാളിന് ‘Happy 16 ഗോപ്സ്’ എന്ന് പ്രിയ കുറിച്ചിരുന്നത് ശ്രദ്ധിക്കപ്പെട്ടിരുന്നു. ഏതായാലും ഇവര് തമ്മില് എന്താണെന്ന ആശയക്കുഴപ്പത്തിലാണ് ആരാധകര്.
അഭയ ഹിരണ്മയിയുമായുള്ള ജീവിതം അവസാനിപ്പിച്ച ശേഷമാണ് ഗോപി സുന്ദര് അമൃതയുമായി പുതിയ ജീവിത യാത്ര തുടങ്ങിയത്. എന്നാല് ഇവര് തമ്മില് പിരിഞ്ഞു എന്ന്ചില വാര്ത്തകള് വന്നിരുന്നു. രണ്ടുപേരും ഇന്സ്റ്റഗ്രാമില് അണ്ഫോളോ ചെയ്തതും പ്രണയിക്കുന്നു എന്നറിയിച്ച് പങ്കിട്ട പോസ്റ്റ് ഡിലീറ്റ് ചെയ്തതും ചര്ച്ചകള്ക്ക് മൂര്ച്ച കൂട്ടി. അതിനു മറുപടിയെന്നോണം വാര്ത്തകള് അതിരുവിട്ടതോടെ അമൃതയ്ക്ക് ഒപ്പമുള്ള ഒരു ചിത്രവുമായി ഗോപി എത്തി. അമൃതയുമായി ബന്ധം പിരിഞ്ഞു പുതിയ ആളെ കണ്ടെത്തിയോ എന്ന് തുടങ്ങി നിരവധി കമന്റുകള്ക്കും ഉള്ള മറുപടിയായിരുന്നു ആ ചിത്രം. എങ്കിലും പഴയതു പോലെ ഇവര് ഒരുമിച്ചുള്ള ചിത്രങ്ങള് ഇടയ്ക്കിടെ കാണാത്തത് ആരാധകരില് ആശങ്ക ജനിപ്പിക്കുന്നുണ്ട്.
