അഭിനയം കൊണ്ടും വ്യക്തമായ നിലപാടുകള്ക്കൊണ്ടും ആരാധകര്ക്ക് ഏറെ പ്രിയങ്കരിയായി നടിയാണ് സുസ്മിത സെന്. ഇന്നത്തെക്കാള് ബുദ്ധിമുട്ടുകള് അനുഭവിച്ച കാലമാണ് തൊണ്ണൂറുകളിലേതെന്ന് സുസ്മിത പറയുന്നു. തന്റെ പുതിയ ചിത്രമായ താലിയുടെ പ്രൊമോഷനോടനുബന്ധിച്ച് നല്കിയ അഭിമുഖത്തിലാണ് താരം ഇക്കാര്യങ്ങള് പറഞ്ഞത്.
അന്ന് സിനിമ മേഖല കുറച്ചു കൂടി ചെറുതാണ്. അക്കാലത്ത് സ്വന്തം അഭിപ്രായങ്ങള് തുറന്നു പറഞ്ഞതിന് എന്നെ മോശം സ്വാധീനമുണ്ടാക്കുന്ന വ്യക്തിയായാണ് ചിത്രീകരിച്ചത്. കുട്ടികളുടെ മുന്നിലൊന്നും അവളെ കൊണ്ടുപോകരുതെന്നു പലരും പറഞ്ഞിട്ടുണ്ട്. എന്റെ അഭിപ്രായങ്ങള് കാരണം മാഗസിനുകളുടെ കവറില് പന്റെ ചിത്രം കൊടുക്കെരുതെന്നു പോലും പറഞ്ഞു. ഞാന് അവരെ കുറ്റം പറയുന്നില്ല, കാരണം ഞാന് അന്ന് ഒരുപാട് സംസാരിച്ചിരുന്നു.
എന്റെ ആശയങ്ങള് പങ്കുവെക്കാനുളള സ്വാതന്ത്ര്യം എന്നെങ്കിലും നഷ്ടപ്പെട്ടാല് പിന്നെ എന്ത് സ്വാതന്ത്ര്യമാണ് എനിക്കുളളത്? അതുകൊണ്ട് മനസ്സിലുളളത് പറയാതിരിക്കുകയാണോ , ഭംഗിയില് പറയുകയാണോ വേണ്ടതെന്ന് ഞാന് ചിന്തിച്ചു, അങ്ങനെ ഒരു കാര്യം നന്നായി സംസാരിക്കാന് പഠിച്ചു. ഇന്ന് സോഷ്യല് മീഡിയ വന്നതോടെ എല്ലാവര്ക്കും സംസാരിക്കാനും മറ്റുളളവര്ക്ക് അത് അംഗീകരിക്കാനും പറ്റുന്നുണ്ട്. പണ്ടത്തേക്കാള് ഭേദമാണ് ഇപ്പോള്.
ആരുടെയും അപ്രൂവലിന് വേണ്ടിയല്ല താന് ജീവിച്ചതെന്നും ജീവിതത്തില് സംഭവിച്ച എല്ലാ കാര്യങ്ങള്ക്കും നന്ദിയാണുളളതെന്നും സുസ്മിത പറഞ്ഞു.
