വാഗമണ്: സാഹസികത ഇഷ്ടപ്പെടുന്നവര്ക്കായി വാഗമണ്ണില് സ്ഫടിക പാലം (ഗ്ലാസ് ബ്രിഡ്ജ് ) ഒരുങ്ങുന്നു. ഡി.ടി.പി.സിയുടെ കീഴിലുള്ള അഡ്വഞ്ചര് പാര്ക്കില് നിര്മിച്ചിരിക്കുന്ന ഗ്ലാസ് ബ്രിഡ്ജിലേക്കു ഓണത്തോടെ പ്രവേശനം സാധ്യമാകുമെന്നാണു അധികൃതര് നല്കുന്ന വിവരം.
40 മീറ്റര് നീളത്തിലുള്ള സ്ഫടിക പാലം ഇന്ത്യയിലെ തന്നെ ഏറ്റവും നീളം കൂടിയ ക്യാന്ഡില് ലിവര് ഗ്ലാസ് ബ്രിഡ്ജാണെന്ന പ്രത്യേകതയുമുണ്ട്. ചൈന അടക്കമുള്ള വിദേശ രാജ്യങ്ങളില് ഇത്തരം ഗ്ലാസ് ബ്രിഡ്ജുകള് സാഹസിക വിനോദയാത്രയുടെ ഭാഗമായിട്ടുണ്ട്. ഗ്ലാസ് ബ്രിഡ്ജുകളുടെ നിര്മാണം നടക്കുന്നുണ്ടെങ്കിലും ക്യാന്ഡി ലിവര് ഗ്ലാസ് ബ്രിഡ്ജുകള് ചുരുക്കമാണ്.
ഒപ്പം ഇവ നീളം കുറഞ്ഞവയുമാണ് ഗ്ലാസ് ബ്രിഡ്ജ് പ്രവര്ത്തന സജ്ജമാകുന്നതോടെ വാഗമണ്ണിലേക്ക് സഞ്ചാരികളുടെ കുത്തൊഴുക്കുണ്ടാകുമെന്നാണ് കരുതുന്നത്. ബ്രിഡ്ജില് നിന്നും കൂട്ടിക്കല്, കൊക്കയാര്, മുണ്ടക്കയം തുടങ്ങിയ സ്ഥലങ്ങളുടെ വിദൂര കാഴ്ചയും ആശ്വദിക്കാന് കഴിയും.
