പ്രണയ എന്ന വികാരം മനുഷ്യരില് മാത്രം ഒതുങ്ങുന്ന വികാരമല്ല. പക്ഷിമൃഗാദികളിലും ഇത്തരം പ്രവണതകള് സ്വഭാവികമാണ്. ഇത് സംബന്ധിക്കുന്ന വ്യത്യസ്തമായ പല വീഡിയോകളും സമൂഹ മാധ്യമങ്ങളിലൂടെ വൈറലാകാറുണ്ട്. എന്നാല് ഇത്തരത്തിലുള്ള എല്ലാ വീഡിയോകളും ആളുകള്ക്ക് സ്വീകാര്യമാകണമെന്നില്ല. അതിന് ഉദാഹരണമാണ് കഴിഞ്ഞ ദിവസം വൈറലായ ഗോള്ഡന് റിട്രീവര് ഇനത്തില്പ്പെട്ട രണ്ട് നായകള് തമ്മിലുള്ള പ്രണയനിമിഷങ്ങള്. ഇതിനോടകം തന്നെ വീഡിയോ വലിയ രീതിയില് സമൂഹമാധ്യമങ്ങളില് പ്രചരിച്ചുകഴിഞ്ഞു. റോസാപ്പൂവുമായി എത്തിയ ആണ്പട്ടി
പെണ്പട്ടിയോട് സ്നേഹം പ്രകടിപ്പിക്കുന്ന കാഴ്ചയാണ് പുറത്തുവന്നത്.
പൂവുമായി എത്തിയ ആണ്പട്ടി പെണ്പട്ടിക്കരികില് വയ്ക്കുകയും അവളെ ചുംബിക്കുകയും ചെയ്യുന്നു. പിന്നീട് പൂ സ്വീകരിച്ച് നില്ക്കുന്ന പെണ്പട്ടിയെ വിഡിയോയില് കാണാം. നല്ല റൊമാന്റിക് വിഡിയോ ആണെന്ന് ചിലര് കുറിച്ചെങ്കിലും ഒരു വിഭാഗം വിമര്ശനവുമായി രംഗത്തെത്തി. നായകളെ നിര്ബന്ധിച്ച് ചെയ്യിപ്പിച്ചതാണെന്നും അവരുടെ മുഖത്ത് ഉടമയോടുള്ള പേടി കാണുന്നുണ്ടെന്നും വ്യക്തമാക്കി. വൈറലാകാന് വേണ്ടി അരുമകളെ ഉപദ്രവിക്കരുതെന്നും അവര് വ്യക്തമാക്കി.
— My World (@myxworld9) August 26, 2023
