ഡ്യൂട്ടിക്കിടെ സീനിയര് ഡോക്ടര് ബലമായി ചുംബിച്ചെന്ന ജൂനിയര് ഡോക്ടറുടെ പരാതിയില് നടപടിയെടുക്കാന് ആരോഗ്യമന്ത്രിയുടെ നിര്ദേശം. എറണാകുളം ജനറല് ആശുപത്രിയില് 2019 ല് നടന്ന സംഭവം പുതിയതായി ശ്രദ്ധയില്പെട്ടത് ജൂനിയര് ഡോക്ടര് സാമൂഹ്യമാധ്യമത്തിലൂടെ വിവരം പുറത്തുവിട്ടതോടെ. യുവ വനിതാഡോക്ടറാണ് ആരോപണവുമായി രംഗത്ത് വന്നിരിക്കുന്നത്.
എറണാകുളം ജനറൽ ആശുപത്രിയിൽ 2019 ല് ഹൗസ് സര്ജന്സി ചെയ്യുമ്പോള് സീനിയര് ഡോക്ടര് ബലമായി പിടിച്ചു ചുംബിച്ചെന്നാണ് ഇവര് ഫേസ്ബുക്കില് കുറിച്ചത്. ഈ സംഭവത്തിന് പിന്നാലെ സഹപ്രവർത്തകരോട് വിഷയം പറഞ്ഞിരുന്നതായി വനിതാ ഡോക്ടർ പറഞ്ഞു. എന്നാൽ അന്ന് പരാതിയൊന്നും നൽകിയിരുന്നില്ല. ഇപ്പോഴാണ് ഇതുസംബന്ധിച്ച് കൂടുതൽ വെളിപ്പെടുത്തലുമായി വനിതാ ഡോക്ടർ ഫേസ്ബുക്കിൽ പോസ്റ്റ് ഇട്ടത്.
കഴിഞ്ഞ ദിവസം പരാതി നല്കുകയും ചെയ്തു. നിലവിൽ നാട്ടിലില്ലാത്ത വനിതാ ഡോക്ടർ ഇ- മെയിൽ മുഖേന ആരോഗ്യവകുപ്പ് ഡയറക്ടർക്കും ആശുപത്രി സൂപ്രണ്ടിനും പരാതി നൽകിയിട്ടുണ്ട്. ആരോപണം ഉയര്ന്നതിനെ തുടര്ന്ന് ആരോഗ്യവകുപ്പ് മന്ത്രി ആരോഗ്യവകുപ്പിനും വിജിലന്സിനും അന്വേഷണം നടത്താന് നിര്ദേശം നല്കി. പരാതി പോലീസിന് കൈമാറാനും മന്ത്രി ആവശ്യപ്പെട്ടിട്ടുണ്ട്.
