ന്യൂഡല്ഹി: കോവിഡ് പരിശോധനാഫലം നെഗറ്റീവായ സാഹചര്യത്തില് ജി20 ഉച്ചകോടിക്ക് ജോ ബൈഡന് എത്തുമെന്ന് സ്ഥിരീകരിച്ച് അമേരിക്ക. ഇന്ത്യയിലേക്ക് ജോ ബൈഡന് വരാനിരിക്കെയാണ് ഭാര്യ ജില് ബൈഡന് കൊവിഡ് സ്ഥിരീകരിച്ചിരുന്നു.
പ്രസിഡന്റ് ജോ ബൈഡനും കൊവിഡ് പരിശോധന നടത്തിയെന്നും ഫലം നെഗറ്റീവാണെന്നും രോഗ ലക്ഷണമുണ്ടോയെന്ന് നിരീക്ഷിക്കുമെന്നും വൈറ്റ് ഹൗസ് അധികൃതര് അറിയിച്ചു. കൃത്യമായ ഇടവേളകളില് വീണ്ടും പരിശോധനകള് നടത്തുമെന്നും പറഞ്ഞിട്ടുണ്ട്. അടച്ചിട്ട സ്ഥലങ്ങളില് മാസ്ക് അണിഞ്ഞായിരിക്കും ബൈഡന് പങ്കെടുക്കുക എന്നും അറിയിച്ചിട്ടുണ്ട്.
സെപ്റ്റംബര് ഏഴിനാണ് ജോ ബൈഡന് ഇന്ത്യയിലെത്തുക. സെപ്റ്റംബര് ഒമ്പത്, പത്ത് തീയതികളിലാണ് ന്യൂഡല്ഹിയില് ജി20 ഉച്ചകോടി നടക്കുന്നത്. സ്പെറ്റംബര് എട്ടിന് പ്രധാനമന്ത്രി നരേന്ദ്രമോദിയുമായുള്ള നയതന്ത്ര ചര്ച്ചയിലും ബൈഡന് പങ്കെടുക്കും. ഇന്ത്യ സന്ദര്ശനത്തെ പ്രതീക്ഷയോടെയാണ് കാണുന്നതെന്നും വിവിധ വിഷയങ്ങളെക്കുറിച്ച് സംസാരിക്കുമെന്നും ബൈഡന് പറഞ്ഞു.
അതേസമയം ജി20 ഉച്ചകോടിയില് ചൈനീസ് പ്രസിഡന്് ഷി ജിങ്പിങ് പങ്കെടുക്കില്ലെന്ന് നേരത്തേ ചൈന അറിയിച്ചിരുന്നു. ഇതിലുള്ള നിരാശയും ജോ ബൈഡന് പങ്കുവെച്ചിരുന്നു. നൈജീരിയന് പ്രസിഡന്റ് ഉച്ചകോടിക്കായി ദില്ലിയില് എത്തിച്ചേര്ന്നിട്ടുണ്ട്.
