താനെ: കിടക്കയില് നിന്ന് വീണ 160 കിലോ ഭാരമുള്ള സ്ത്രീയെ ഉയര്ത്തുന്നതിനായി അഗ്നിരക്ഷാ സേനയുടെ സഹായം തേടി കുടുംബം. മഹാരാഷ്ടയിലാണ് സംഭവം.അസുഖ ബാധിതയായ 62 കാരിക്ക് നടക്കുന്നതിനു ബുദ്ധിമുട്ടുണ്ടായിരുന്നതിനാല് കിടപ്പിലായിരുന്നു.
കിടക്കയില് നിന്നു താഴെ വീണ സ്ത്രീയെ ഉയര്ത്താന് കഴിയാത്ത സാഹചര്യം വന്നതിന് പിന്നാലെയാണ് യുവതിയുടെ കുടുംബം അഗ്നിരക്ഷാ സേനയുടെ സഹായം തേടിയത്. തുടര്ന്ന് റീജനല് ഡിസാസ്റ്റര് മാനേജ്മെന്റ് സെല് (ആര്ഡിഎംസി), അംഗങ്ങള് എത്തി സ്ത്രീയെ തിരികെ കിടക്കയിലേക്കു കയറ്റുകയായിരുന്നു. വീഴ്ച്ചയില് സ്ത്രീയ്ക്ക് പരിക്കുകളൊന്നും സംഭവിച്ചില്ല. ഇത്തരത്തിലുള്ള സംഭവം അസാധാരണമാണെന്നും ആര് ഡി എം സി ഉദ്യോഗസ്ഥര് പറഞ്ഞു.
