കോട്ടയം: പുതുപ്പള്ളിയിലെ പുതിയ ജനനായകനെ കണ്ടെത്താനുള്ള ഉപ തെരഞ്ഞെടുപ്പില് പകുതി പഞ്ചായത്തുകളിലെ വോട്ടെണ്ണല് പൂര്ത്തിയാകുമ്പോള് യുഡിഎഫ് സ്ഥാനാര്ത്ഥി ചാണ്ടിഉമ്മന്റെ ഭൂരിപക്ഷം കാല്ലക്ഷം കടന്നു. തുടക്കം മുതല് എല്ലാ ബൂത്തിലും നിലനിര്ത്തിയ ലീഡ് ചാണ്ടി ഉമ്മന് നാലുപഞ്ചായത്തുകളിലെ മൂഴുവന് ബൂത്തുകളും എണ്ണിക്കഴിയുമ്പോഴും തുടര്ന്നുകൊണ്ടേയിരുന്നു.
ഉമ്മന്ചാണ്ടിയോടുള്ള സഹതാപതരംഗവും ഭരണവിരുദ്ധവികാരവും ശക്തമായി പ്രതിഫലിച്ചപ്പോള് അയര്കുന്നം, അകലകുന്നം, കൂരോപ്പട, മണര്കാട് പഞ്ചായത്തുകള് എണ്ണിക്കഴിഞ്ഞപ്പോള് തന്നെ ഭൂരിപക്ഷം ചാണ്ടി ഉമ്മനൊപ്പം നിന്നു. മണര്കാട് പഞ്ചായത്ത് കൂടി എണ്ണിക്കഴിയുമ്പോള് ചാണ്ടി ഉമ്മന്റെ ഭൂരിപക്ഷം 26,301 വോട്ടുകള്ക്ക് മുന്നിലേക്കാണ് എത്തിയത്. ഉമ്മന്ചാണ്ടിയ്ക്ക് 2021 ല് ലഭിച്ചതിന്റെ മൂന്നിരട്ടി വോട്ടുകളാണ് ചാണ്ടിഉമ്മന് കിട്ടിയിരിക്കുന്നത്. 9044 വോട്ടുകളുടെ ഭൂരിപക്ഷത്തിലായിരുന്നു കഴിഞ്ഞ തവണ ഉമ്മന്ചാണ്ടി വിജയിച്ചത്.
