എന്റെ സ്വന്തം ജാനകിക്കുട്ടിയായി മലയാളികളുടെ മനസ്സില് സ്ഥാനം നേടിയ ജോമോള് പിന്നീട് പല കഥാപാത്രങ്ങളും ചെയ്തു. ബാലതാരമായി എത്തിയ ജോമോള് വിവാഹം കഴിഞ്ഞപ്പോഴാണ് ഇന്റസ്ട്രിയില് നിന്നും ബ്രേക്ക് എടുത്തത്. പിന്നീട് കുറേക്കാലം ജോമോളുടെ വിവരം ഒന്നുമില്ലെങ്കിലും ഇപ്പോള് സോഷ്യല് മീഡിയിയല് നിറ സാന്നിധ്യമാണ് താരം.
തന്റെ നൃത്ത വിശേഷങ്ങളും, മക്കളുടെ വിശേഷങ്ങളും എല്ലാം ജോമോള് ഇന്സ്റ്റഗ്രാമിലൂടെ പങ്കുവയ്ക്കാറുണ്ട്. അടുത്തിടെ ഗൃഹലക്ഷ്മിയ്ക്ക് വേണ്ടി നടത്തിയ ഫോട്ടോഷൂട്ടും അതിന്റെ വീഡിയോയും എല്ലാം ആരാധകര് ഏറ്റെടുത്തതാണ്. ഇപ്പോള് നടി പങ്കുവച്ചിരിയ്ക്കുന്നത് നൈന്റീസ് കിഡ്സിനെ പഴയ ഒരു ഓര്മയിലേക്ക് കൂട്ടിക്കൊണ്ടുപോകുന്ന ചിത്രമാണ്.
കുഞ്ചാക്കോ ബോബനൊപ്പം നില്ക്കുന്ന ചിത്രമാണ് പങ്കുവച്ചിരിയ്ക്കുന്നത്. രണ്ടു പേരും നിറഞ്ഞ ചിരിയോടെ ചേര്ന്ന് നില്ക്കുന്ന ചിത്രത്തില്, വിക്ടറി സൈന് കാണിച്ചാണ് പോസ് കൊടുത്തിരിയ്ക്കുന്നത്. '25 വര്ഷത്തെ നീണ്ട ഇടവേളയ്ക്ക് ശേഷം ഞങ്ങള് വീണ്ടും കണ്ടുമുട്ടിയപ്പോള്' എന്നാണ് ഫോട്ടോയ്ക്ക് ജോമോള് കൊടുത്തിരിയ്ക്കുന്ന ക്യാപ്ഷന്.
പോസ്റ്റിന് താഴെ പഴയ ഓര്മകള് പങ്കുവച്ചുകൊണ്ട് നൈന്റീസ് കിഡ്സിന്റെ ബഹളമാണ്. ഞങ്ങളുടെ ഇഷ്ട ജോഡികള്, മയില്പ്പീലിക്കാവ് ഓര്മവരുന്നു എന്നൊക്കെയാണ് കമന്റുകള്. അന്ന് എല്ലാവരും ചാക്കോച്ചനും ശാലിനിയ്ക്കും പിന്നാലെ പോയപ്പോള്, ഞാന് നോക്കിയത് ഈ രണ്ട് ജോഡികളെയുമായിരുന്നു എന്നാണ് ഒരാളുടെ കമന്റ്. രണ്ടുപേരെയും വീണ്ടും ഒരുമിച്ച് കാണാന് കഴിഞ്ഞതിന്റെ സന്തോഷവും ചിലര് പങ്കുവയ്ക്കുന്നുണ്ട്.
