ജനപ്രിയനായകനായ ദിലീപിന്റെ കുടുംബത്തോട് എപ്പോഴുമൊരു പ്രത്യേക സ്നേഹവും അടുപ്പവുമാണ് മലയാള സിനിമാപ്രേക്ഷകര്ക്കുള്ളത്. ഏറ്റവും കൂടുതല് ആരാധകരുള്ള താര കുടുംബം കൂടിയായതു കൊണ്ട് ദിലീപിന്റെ ഭാര്യ കാവ്യ മാധവന് മക്കളായ മീനാക്ഷി, മഹാലക്ഷ്മി എന്നിവരുടെ എല്ലാം വിശേഷങ്ങളെല്ലാം അറിയാന് ആരാധകര്ക്ക് വലിയ താല്പര്യമാണ്. ദിലീപിന്റെയും കുടുംബത്തിന്റെയും ചിത്രങ്ങള് സോഷ്യല് മീഡിയയില് വരുമ്പോള് തന്നെ അത് വൈറലായി മാറാറുണ്ട്. സിനിമയിലെ താരജോഡികളായ ദിലീപും കാവ്യയും ജീവിതത്തിലും ഒരുമിച്ചപ്പോള് ആരാധകര് അത് ആഘോഷമാക്കി. എന്നാല് സിനിമയില് നിന്ന് അകലം പാലിച്ചിരിക്കുകയാണ് കാവ്യ. പക്ഷേ കാവ്യ അടുത്തിടെ സോഷ്യല് മീഡിയ അക്കൗണ്ട് തുടങ്ങിയിട്ടുണ്ട്. അതിലൂടെ മക്കളുടെയും ദിലീപിന്റെയും ചിത്രങ്ങളും ഇടയ്ക്ക് ചെയ്യാറുള്ള ഫോട്ടോഷൂട്ടും താരം പങ്കിടാറുണ്ട്. താരത്തിന്റെ സ്വന്തം ബൊട്ടീക്കായ ലക്ഷ്യയ്ക്ക് വേണ്ടിയാണ് താരത്തിന്റെ കൂടുതല് ഷൂട്ടുകള്. ഇപ്പോഴിതാ കാവ്യ മാധവന്റെ ഒരു ഫോട്ടോഷൂട്ടിന്റെ ബിഹൈന്ഡ് ദി സീന്സ് വീഡിയോയാണ് വൈറലാകുന്നത്. ഫ്രീലാന്സ് മേക്കപ്പ് ആര്ട്ടിസ്റ്റും ഹെയര് സ്റ്റൈലിസ്റ്റുമായ ഉണ്ണി പി.എസ് ആണ് ഈ വീഡിയോ പങ്കിട്ടിരിക്കുന്നത്. ചുവന്ന സല്വാറില് അതീവ സുന്ദരിയായാണ് വീഡിയോയില് കാവ്യ മാധവന് പ്രത്യക്ഷപ്പെട്ടിരിക്കുന്നത്, എന്നാല് ബിഹൈന്ഡ് ദി സീന്സ് വീഡിയോ വൈറലാകാന് കാരണം കാവ്യ മാത്രമല്ല മഹാലക്ഷ്മി കൂടിയാണ്. ഫോട്ടോഗ്രാഫര് കാവ്യയുടെ വിവിധ പോസിലുള്ള ചിത്രങ്ങള് പകര്ത്തുമ്പോള് അഞ്ച് വയസുകാരി മഹാലക്ഷ്മിയും ഫോണ് ക്യാമറ വഴി അമ്മയുടെ സൗന്ദര്യം പകര്ത്താന് ശ്രമിക്കുന്നതാണ് വീഡിയോ. കാവ്യ മാധവന്റെ ഫോട്ടോഷൂട്ട് ബിഹൈന്ഡ് ദി സീന്സ് വീഡിയോ ഉണ്ണിയാണ് സ്വന്തം സോഷ്യല്മീഡിയ പേജുവഴി പുറത്ത് വിട്ടത്. കാവ്യയ്ക്ക് സ്ഥിരമായി മേക്കപ്പ് ചെയ്യാറുള്ളത് ഉണ്ണിയാണ്. ദിലീപുമായുള്ള വിവാഹ ദിവസം കാവ്യയെ സുന്ദരിയാക്കിയതും ഉണ്ണിയായിരുന്നു.
ഈ വീഡിയോ കണ്ടതോടെ പല ആരാധകരും അതിന്റെ താഴെ കമന്റുകളിടുന്നുണ്ട്. മാമാട്ടിയെ കാണാന് വേണ്ടി വീണ്ടും വീണ്ടും വീഡിയോ റിപ്പീറ്റ് ചെയ്ത് കാണുകയാണെന്നതടക്കം കമന്റുകളുണ്ട്. ‘അമ്മ കുട്ടിയാണോ മഹാലക്ഷ്മി, വീഡിയോയില് കാവ്യ ഉണ്ടെങ്കിലും ഇത്തവണ സ്കോര് ചെയ്തത് മഹാലക്ഷ്മിയാണ്....’ എന്നിങ്ങനെ കമന്റുകളില് നിറയെ മാമാട്ടിയോടുള്ള പ്രേക്ഷകരുടെ സ്നേഹമാണ് കാണുന്നത്. മഹാലക്ഷ്മി ഇപ്പോള് യുകെജിയിലാണ് പഠിക്കുന്നത്.
അടുത്തിടെയാണ് കാവ്യ ഇന്സ്റ്റഗ്രാമില് അംഗത്വം എടുത്തത്. അപ്പോള് മുതല് തന്റെയും കുടുംബത്തിന്റെയും ചിത്രങ്ങളും വീഡിയോകളും എല്ലാം പങ്കുവയ്ക്കുന്നുണ്ട്. ലക്ഷ്യയുടെ പേജിലൂടെയും മറ്റ് ഫാന് പേജുകലിലൂടെയും ആവശ്യത്തിലധികം ഫോട്ടോസും വരുന്നു. അതിനു മുമ്പ് കാവ്യയുടെ വിശേഷങ്ങള് ആരാധകര് അറിഞ്ഞിരുന്നത് ദിലീപ് വഴിയോ കാവ്യയുടെ ഫാന് പേജുകള് വഴിയോ ആയിരുന്നു. കാവ്യ വീണ്ടും ലൈം ലൈറ്റില് സജീവമായതോടെ ദിലീപിനൊപ്പം വിദേശ യാത്രകളിലും പരിപാടികളിലും എല്ലാം കാവ്യ പങ്കെടുക്കുന്നുണ്ട്. കാവ്യ സോഷ്യല്മീഡിയയിലും പൊതുപരിപാടികളിലുമെല്ലാം സജീവമായതോടെ വൈകാതെ അഭിനയത്തിലേക്കും തിരിച്ച് വരുമോയെന്നും ആരാധകര് കമന്റിലൂടെ ചോദിക്കുന്നുണ്ട്.
