മാസങ്ങള്ക്ക് ശേഷം ഉറ്റസുഹൃത്ത് മോഹന്ലാലിനെ നേരില്കണ്ടതിന്റെ സന്തോഷം പങ്കുവെച്ച് ഗായകന് എം.ജി.ശ്രീകുമാര്. 'നേര്' എന്ന ജീത്തു ജോസഫ് ചിത്രത്തിന്റെ ലൊക്കേഷനില് വച്ചാണ് ഇരുവരും പരസ്പരം കണ്ടുമുട്ടിയത്.
''ഒരുപാട് മാസങ്ങള്ക്ക് ശേഷം ഞാന് എന്റെ സ്വന്തം ലാലുവിനെ കണ്ടു . പുതിയ ജിത്തു ജോസഫ് ചിത്രം ' നേര് ' എന്ന ഷൂട്ടിംഗ് ലൊക്കേഷനില് . ഒരുപാട് സംസാരിച്ചു ,ഒരുമിച്ചു ഭക്ഷണം കഴിച്ചു . ഓര്മ്മകള് മരിക്കുമോ... ഓളങ്ങള് നിലയ്ക്കുമോ ...ലവ് യൂ ലാലു...' മോഹന്ലാലിെനാപ്പമുളള ചിത്രങ്ങള് പങ്കിട്ട് എം ജി ശ്രീകുമാര് ഫേസ്ബുക്കില് കുറിച്ചു.
ഗായകന്റെ സമൂഹമാധ്യമ പോസ്റ്റ് ചുരുങ്ങിയ സമയം കൊണ്ടു ശ്രദ്ധേയമായിരിക്കുകയാണ്. രണ്ട് പ്രതിഭകളെയും ഒരേ ഫ്രെയിമില് കണ്ടതിന്റെ സന്തോഷം ആരാധകര് പ്രകടിപ്പിച്ചു.
