ലേഡീസ് v/s റിക്കി ബാൽ എന്ന ചിത്രത്തിലൂടെ തന്റെ കരിയർ ആരംഭിച്ച പരിനീതി ചോപ്ര ബോളിവുഡിന്റെ പ്രിയ നായികയാണ്. അടുത്തിടെയാണ് താരത്തിന്റെ വിവാഹനിശ്ചയച്ചടങ്ങ് നടന്നത്. ആംആദ്മി നേതാവായ രാഘവ ചദ്ധയാണ് പരിനീതിയുടെ വരൻ.. ഇപ്പോഴിതാ വിവാഹ തയ്യാറെടുപ്പുകള് നടത്തുമ്പോള് പാപ്പരാസികള് തന്നെ പിന്തുടരുന്നതില് പരിനീതി കലിപ്പ് പ്രകടിപ്പിച്ചതിന്റെ വീഡിയോയാണ് സോഷ്യല് മീഡിയയില് വൈറലാകുന്നത്. മുംബൈയില് പല ഇടങ്ങളില് വച്ച് താരത്തിന്റെ ചിത്രങ്ങള് പകര്ത്തിയിരുന്നു. താരത്തിന്റെ പിറകേ നടന്ന് പാപ്പരാസികള് ചിത്രങ്ങള് എടുക്കുന്നുമുണ്ട്. ഇതിലാണ് താരം നീരസം പ്രകടിപ്പിച്ചിരിക്കുന്നത്. ഫോട്ടോഗ്രാഫര്മാരോട് പരിനീതി ചോപ്ര കയര്ക്കുകയും ചെയ്യുന്നുണ്ട്. ‘‘ നിങ്ങളെ ഞാൻ ഇവിടേയ്ക്ക് ക്ഷണിച്ചിട്ടില്ല...’’ എന്നാണ് ദേഷ്യത്തോടെ പരിനീത ചോപ്ര അവിടെയുള്ള പാപ്പരാസി ഫോട്ടോഗ്രാഫര്മാരോട് പറയുന്നത്. ഇതൊന്നും നിര്ത്തൂവെന്നാവശ്യപ്പെട്ട പരിനീതിനോട് ഒരാള് ക്ഷമ ചോദിക്കുകയും ചെയ്യുന്നുണ്ട്. രാഘവ് ഛദ്ദയുടെയും പരിനീതി ചോപ്രയുടെയും വിവാഹ വിരുന്നിന്റെ ക്ഷണക്കത്ത് അടുത്തിടെ ആരാധകര്ക്കിടയില് ചര്ച്ചയായിരുന്നു. ഒരാഴ്ച നീണ്ടു നില്ക്കുന്ന വിവാഹ ആഘോഷങ്ങളാണ് ഉദയ്പുരില് സംഘടിപ്പിച്ചിരിക്കുന്നത്. സെപ്റ്റംബര് 30ന് പരിനീതിയും രാഘവും വിവാഹ വിരുന്നുമുണ്ട്.
‘ലേഡീസ് വേഴ്സസ് റിക്കി ബാല'യില് സഹ കഥാപാത്രമായിട്ടാണ് പരിനീതി ചോപ്ര വേഷമിട്ടത്. നിരവധി സിനിമകളില് മികച്ച കഥാപാത്രങ്ങള് ചെയ്ത പരിനീതി ചോപ്രയുടേതായി ഇനി പ്രദര്ശനത്തിന് എത്താനുള്ളത് 'ചംകീല' ആണ്. 'കാപ്സൂള് ഗില്' പരിനീതി ചോപ്രയുടേതായി ഷൂട്ടിംഗ് നടക്കുകയാണ്.
