നിലവില് ഓട്ടോമാറ്റിക് കാറുകളുടെ സാധ്യതകള് തിരിച്ചറിഞ്ഞ് 4x4 പതിപ്പില് മാത്രം ലഭ്യമായിരുന്ന കോമ്പസിന് ഒരു 4x2 ഓട്ടോമാറ്റിക് പതിപ്പ് പുറത്തിറക്കിയിരിക്കുകയാണ് ജീപ്പ്. 23.99 ലക്ഷം രൂപ എക്സ്-ഷോറൂം വിലയ്ക്ക് ഓട്ടോമാറ്റിക് ട്രാന്സ്മിഷന് ഓപ്ഷനുള്ള കോമ്പസ് ഡീസലിന്റെ 2WD വേരിയന്റുകള് ജീപ്പ് അവതരിപ്പിച്ചു. ഈ പുതിയ പവര്ട്രെയിന് ഓപ്ഷനോടൊപ്പം, പുതിയ ഗ്രില്ലും അലോയി വീല് ഡിസൈനുകളും മറ്റും ഉപയോഗിച്ച് കോമ്പസിന് ജീപ്പ് ഒരു അപ്ഡേറ്റ് നല്കിയിരിക്കുകയാണ്.
ജീപ്പ് പരിഷ്കരിച്ച കോമ്പസ് സ്പോര്ട്, ലോഞ്ചിറ്റിയൂഡ്, ലോഞ്ചിറ്റിയൂഡ്+, ലിമിറ്റഡ്, മോഡല് S എന്നിങ്ങനെ അഞ്ച് വകഭേദങ്ങളില് വാഗ്ദാനം ചെയ്യുന്നു. ജീപ്പ് കോമ്പസ് സ്പോര്ട്ട് വേരിയന്റ് എന്ട്രി-സ്പെക്ക് മോഡലായി തന്നെ തുടരുന്നു. ഇത് ഡീസല് മാനുവല് പവര്ട്രെയിനിനൊപ്പം മാത്രം ഓഫര് ചെയ്യുന്നു, കൂടാതെ 20.49 ലക്ഷം രൂപ എക്സ്-ഷോറൂമിന് എത്തുന്ന മാനുവല് വേരിയന്റുകള്ക്ക് അല്പം വില കുറയുന്നു. അടുത്തതായി 2WD മാനുവല് ഓപ്ഷന് സഹിതം ഒരു പുതിയ കോമ്പസ് ലോഞ്ചിറ്റിയൂഡ് ട്രിം ലൈനപ്പില് ഇടം പിടിക്കുന്നു, അതോടൊപ്പം ഒരു ഒമ്പത് സ്പീഡ് ഓട്ടോമാറ്റിക് ഗിയര്ബോക്സ് സെറ്റപ്പും നിര്മ്മാതാക്കള് അവതരിപ്പിക്കുന്നു. ഇത് കോമ്പസ് ഓട്ടോമാറ്റിക് ശ്രേണിയിലേക്കുള്ള പുതിയ എന്ട്രി പോയിന്റായി മാറുന്നു. കോമ്പസ് ലോഞ്ചിറ്റിഡ്യൂഡ് മോഡലുകള്ക്ക് 23.99 ലക്ഷം രൂപയാണ് വില, ഓട്ടോമാറ്റിക് ഡീസല് പവര്ട്രെയിന് ലിറ്ററിന് 16.2 കിലോമീറ്റര് മൈലേജും അവകാശപ്പെടുന്നു.
അപ്ഡേറ്റ് ചെയ്ത കോമ്പസ് ലോഞ്ചിറ്റിയൂഡ്+ വേരിയന്റില് ലോഞ്ചിറ്റിയൂഡ് ട്രിമ്മില് ലഭ്യമായ എല്ലാ ഫീച്ചറുകള്ക്കും പുറമെ പനോരമിക് സണ്റൂഫും വയര്ലെസ് ചാര്ജറും ജീപ്പ് സജ്ജീകരിച്ചിരിക്കുന്നു. അടുത്തതായി ജീപ്പ് കോമ്പസ് ലിമിറ്റഡ് മോഡലാണ്, പുതിയ ബ്ലാക്ക് ഷാര്ക്ക് എഡിഷനും, ബ്ലാക്ക് അലോയ് വീലുകളും, എസ്യുവിയിലുടനീളം 'ഇഗ്നൈറ്റ് റെഡ്' ഹൈലൈറ്റുകളും ഇതില് വരുന്ന അപ്പ്ഡേറ്റാണ്. കോമ്പസ് ലൈനപ്പ് പൂര്ത്തിയാക്കുന്നത് മോഡല് S -ല് ആണ്, ഇത് എസ്യുവിയിലെ ടോപ്പ്-സ്പെക്ക് വേരിയന്റായി തുടരുന്നു, ഇപ്പോള് നിലവിലുള്ള 4WD ഓട്ടോമാറ്റിക് വേരിയന്റുകളോടൊപ്പം പുതിയ 2WD ഓട്ടോമാറ്റിക് പതിപ്പുകളും ഇതില് വരുന്നു. കൂടാതെ, എല്ലാ വേരിയന്റുകളും അലോയി വീലുകള്ക്കായി പുതുക്കിയ ഡിസൈന് അവതരിപ്പിക്കുന്നു, അതേസമയം പുതിയ ക്രോം ഗ്രില്ല് ലിമിറ്റഡ്, മോഡല് S വേരിയന്റുകളില് മാത്രമേ ലഭ്യമാകൂ.
ഓട്ടോമാറ്റിക് ഗിയര്ബോക്സ് സംവിധാനമുള്ള കോമ്പസിനെ മുമ്പ് 4x4 വേരിയന്റുകളില് മാത്രമായി ജീപ്പ് പരിമിതപ്പെടുത്തിയിരുന്നു. ഈ ലോഞ്ചിലൂടെ,4x4 ഹാര്ഡ്വെയര് ആവശ്യമില്ലാതെ ഒരു ഓട്ടോമാറ്റിക് ഗിയര്ബോക്സിന്റെ സൗകര്യം തേടുന്ന ഉപഭോക്താക്കളെ ലക്ഷ്യം വയ്ക്കാന് ജീപ്പ് ലക്ഷ്യമിടുന്നു. 170 bhp മാക്സ് പവറും 350 Nm പീക്ക് torque ഉം പുറപ്പെടുവിക്കുന്ന 2.0 ലിറ്റര് ടര്ബോചാര്ജ്ഡ് എഞ്ചിനാണ് കോമ്പസിന് കരുത്ത് പകരുന്നത്. ബിഎസ് VI സ്റ്റേജ് II എമിഷന് മാനദണ്ഡങ്ങള് കാരണം അമേരിക്കന് വാഹന നിര്മ്മാതാക്കള് 1.4 ലിറ്റര് ടര്ബോ-പെട്രോള് എഞ്ചിന് ഉപേക്ഷിച്ചതിനാല് ജീപ്പ് നിലവില് ഇന്ത്യയില് ഡീസല് ഓപ്ഷനില് മാത്രമാണ് കോമ്പസ് റേഞ്ച് വാഗ്ദാനം ചെയ്യുന്നത്.
