ചലച്ചിത്ര പ്രതിഭ കെ.ജി ജോര്ജിന് ആദരാഞ്ജലികള് അര്പ്പിച്ച് മഞ്ജു വാര്യര്.സമൂഹമാധ്യമത്തില് പങ്കുവെച്ച കുറിപ്പിലൂടെയാണ് മഞ്ജു പ്രിയ സംവിധായകന് യാത്രമൊഴികള് അര്പ്പിച്ചത്.
'ചില ചലച്ചിത്രകാരന്മാരുടെ പ്രതിഭ പ്രകാശിച്ചു നിന്ന നാളുകളില് ജീവിക്കാനായിരുന്നുവെങ്കില് എന്ന് ആശിച്ചു പോയിട്ടുണ്ട്. അത്തരത്തിലുള്ള ഒരാള് ആയിരുന്നു എനിക്ക് കെ.ജി ജോര്ജ് സര്. അദ്ദേഹത്തിന്റെ ഒരു കഥാപാത്രത്തെപ്പോലും അവതരിപ്പിക്കാനായില്ല എന്നത് അഭിനയ ജീവിതത്തിലെ വ്യക്തിപരമായ സങ്കടങ്ങളിലൊന്ന്. മലയാള സിനിമയെ ലോകോത്തരമാക്കിയ സംവിധായക പ്രതിഭയ്ക്ക് ആദരാഞ്ജലി!'', മഞ്ജു കുറിച്ചു.
