മനുഷ്യര്ക്ക് മാത്രം മതിയോ ആഘോഷങ്ങള്. സന്തോഷ നിമിഷം ഇപ്പോഴും ആഘോഷമാക്കേണ്ടതാണ്. സിദ്ധാര്ത്ഥ് ശിവത്തിന് ഗോള്ഡന് റിട്രീവര് ഇനത്തില്പ്പെട്ട രണ്ട് വളര്ത്ത് നായകളാണുള്ളത്. റോസി, റെമോ എന്നാണ് ഇവരുടെ പേരുകള് ഇതില് റോസി ഗര്ഭിണിയാണെന്നുളള സന്തോഷ വാര്ത്ത തന്റെ സോഷ്യല് മീഡിയയിലൂടെ പങ്കുവച്ചിരിക്കുകയാണ് സിദ്ധാര്ത്ഥ്.വെറുതെയല്ല, ആരേയും അമ്പരിപ്പിക്കുന്ന ബേബി ഷവര് തന്നെ നടത്തിയിരിക്കുകയാണ് സിദ്ധാര്ത്ഥയും കുടുംബാംഗങ്ങളും ഓമനിച്ച് വളര്ത്തിയ നായ അമ്മയാകാന് പോകുന്ന സന്തോഷം എല്ലാവരുമായും പങ്കുവച്ചത്. അദ്ദേഹം ആഘോഷകരമായി നടത്തിയ ബേബി ഷവര് ചടങ്ങുകളുടെ ചിത്രങ്ങളും അദ്ദേഹം ഇന്സ്റ്റഗ്രാം പേജിലൂടെ പങ്കിട്ടിരിക്കുന്നത്. ഏറെ കൗതുകമുണര്ത്തുന്ന വീഡിയോ നിരവധി പേരാണ ്കണ്ടിരിക്കുന്നത്.
വളരെ മനോഹരമായി അലങ്കരിച്ച ഒരു ഇരിപ്പിടത്തില് റോസി ശാന്തമായി ഇരിക്കുന്നതാണ് വീഡിയോ ആരംഭിക്കുമ്പോള് കാണുന്നത്. തുടര്ന്ന് ചടങ്ങുകളുടെ ഭാഗമായി റോസിയെ ചുമപ്പ് കളര് ഉള്ള ഒരു തുണികൊണ്ട് പുതപ്പിക്കുന്നു. പിന്നീട് അവളുടെ നെറ്റിയില് പൊട്ടു കുത്തി കൊടുക്കുകയും കാലുകളില് വളകള് ഇട്ടു നല്കുകയും ചെയ്യുന്നു. കൂടാതെ മധുര പലഹാരങ്ങളും നല്കുന്നു. വീഡിയോ അവസാനിപ്പിക്കുമ്പോള് വളരെ രസകരമായ മറ്റൊരു കാഴ്ച്ചയുമുണ്ട്. ഞാന് തയ്യാറാണ് എന്ന് എഴുതിയിരിക്കുന്ന ഒരു ബോര്ഡുമായി റോസിയും, അവള്ക്കരികില് ഞാന് ഇവിടെയുണ്ട് എന്ന് എഴുതിയിരിക്കുന്ന ഒരു ബോര്ഡുമായി അവളുടെ കൂട്ടുകാരന് റെമോയും ഇരിക്കുന്നിടത്താണ് വീഡിയോ അവസാനിക്കുന്നത്. വീഡിയോ വളരെയധികം ശ്രദ്ധിനേടി. ഈ വീഡിയോയെ പ്രശംസിച്ച് നിരവധി പേരാണെത്തിയിരിക്കുന്നത്.
