ലക്നൗ: സമൂഹ മാധ്യമങ്ങളില് വൈറലാകാന് കൗമാരക്കാരുടെ ക്രൂരത. അധ്യാപകന്റെ കാലില് വെടിവയ്ക്കുകയും സ്വയം 'ഗാങ്സ്റ്റേഴ്സ്' എന്ന് വിശേഷിപ്പിച്ച് ഇവര് വീഡിയോ പ്രചരിപ്പിക്കുകയും ചെയ്തു. ഉത്തര്പ്രദേശിലെ ആഗ്രയിലാണ് സംഭവം. അധ്യാപകനെ വെടിവയ്ക്കുമെന്ന് 39 തവണ ഭീഷണിപ്പെടുത്തുന്നതും വീഡിയോയില് കാണാം.
സുമിത് എന്ന അധ്യാപകനാണ് വെടിയേറ്റത്. ഇയാള് ആശുപത്രിയില് ചികിത്സയിലാണ്. സംഭവത്തില് പോലീസ് കേസെടുക്കുകയും കൗമാരക്കാരെ പിടികൂടുകയും ചെയ്തു.
വീഡിയോയില് പല തവണ കുട്ടികള് ആണയിടുന്നുണ്ട്. ആറ് മാസത്തിനു ശേഷം വീണ്ടും വരുമെന്നും അധ്യാപകനെ വീണ്ടും വെടിവയ്ക്കുമെന്നും ഇവര് പറയുന്നു. 40 തവണ അയാളെ വെടിവയ്ക്കണം. 39 എണ്ണം ഇനി അവശേഷിക്കുന്നുണ്ടെന്നും വീഡിയോയില് പറയുന്നു.
കഴിഞ്ഞ വര്ഷം ഡല്ഹിയില് കൊലപാതകക്കേസില് മൂന്ന് കൗമാരക്കാര് അറസ്റ്റിലായിരുന്നു. കൊലപാതക ദൃശ്യം ഇവര് സമുഹ മാധ്യമങ്ങളില് പ്രചരിപ്പിക്കുകയും ചെയ്തിരുന്നു. ഗുണ്ടാസംഘങ്ങളുടെ കഥപറയുന്ന ചില സിനിമകളുടെ പ്രചോദനമാണ് കൊലയ്ക്ക് പിന്നിലെന്ന് പോലീസ് പറയുന്നു.
