ഇന്ത്യൻ വ്യോമസേനയ്ക്ക് പുതിയ പതാക വരുന്നു. പുതിയ പതാക വ്യോമ സേന ദിനമായ നാളെ പുറത്തിറക്കാനാണ് തീരുമാനം. പ്രയാഗ് രാജിൽ നടക്കുന്ന വ്യോമസേന ദിനാഘോഷ പരിപാടിയിലാകും പുതിയ പതാക പുറത്തിറക്കുക.
ഇന്ത്യൻ നാവികസേനയുടെ പതാക കഴിഞ്ഞ വര്ഷം മാറ്റിയിരുന്നു. ബ്രീട്ടീഷ് ഭരണക്കാലവുമായുള്ള ബന്ധം പൂർണ്ണമായും അവസാനിപ്പിച്ച് കൊണ്ടാണ് ഇന്ത്യന് നാവികസേന പുതിയ പതാകയിലേക്ക് മാറിയത്. സെന്റ് ജോര്ജ് ക്രോസിന്റെ ഒരറ്റത്ത് ത്രിവര്ണ പതാക പതിപ്പിച്ചയിരുന്നു നാവികസേനയുടെ പഴയ പതാക. പുതിയ പതാക അശോക സ്തംഭവും ഛത്രപതി ശിവജിയുടെ നാവികസേന മുദ്രയുള്ളതാണ്.
