കോളേജ് പഠനകാലത്തെ ഒരു ത്രോബാക്ക് ചിത്രം പങ്കിട്ട് മലയാളികളുടെ പ്രിയ നടന്. ആലുവാ യു.സി. കോളേജിലെ പഴയ ഹോക്കി ടീമിന്റെ ചിത്രമാണ് താരം പങ്കുവെച്ചത്. 'UCC ഹോക്കി ടീം ഞാനും ഉണ്ട് ആ കൂട്ടത്തില്' എന്നാണ് ക്യാപ്ഷന്. ആളെ ആദ്യം തന്നെ കണ്ടുപിടിച്ചത് നിര്മാതാവ് സാന്ദ്ര തോമസാണ്.
നടന് ബാബുരാജാണ് കോളേജ് കുമാരനായ ഹോക്കി കളിക്കാരന്. ചിത്രത്തില് രണ്ടാമത്തെ വരിയില് വളരെ അച്ചടക്കത്തോടെ കൈകെട്ടി നില്ക്കുന്ന വരയന്മീശക്കാരനായ നടനെ തിരിച്ചറിഞ്ഞ ആരാധകര് എല്ലാം കമന്റുകളുമായി എത്തിയിട്ടുണ്ട്.
യൂണിയന് ക്രിസ്ത്യന് കോളേജ്, ആലുവാ മഹാരാജാസ് കോളേജ്, ഗവണ്മെന്റ് ലോ കോളേജ് എന്നിവിടങ്ങളിലായിരുന്നു ബാബുരാജിന്റെ കോളേജ് വിദ്യാഭ്യാസം. സിനിമയ്ക്ക് മുന്പ് അഭിഭാഷകനായും ബാബുരാജ് ജോലിചെയ്തു. ബാബുരാജ് ജേക്കബ് എന്നാണ് നടന്റെ മുഴുവന് പേര്. ആലുവാ സ്വദേശിയാണ്.
ജൂനിയര് ആര്ട്ടിസ്റ്റ് ആയാണ് ബാബുരാജിന്റെ സിനിമാ ജീവിതത്തിന് തുടക്കം. കൊച്ചിന് ഹനീഫ സംവിധാനം ചെയ്ത 'ഭീഷ്മാചാര്യര്' ആണ് ആദ്യ ചിത്രം. വില്ലന് വേഷങ്ങളിലൂടെ ശ്രദ്ധ നേടിയ ബാബു രാജ് 'സോള്ട്ട് ആന്ഡ് പെപ്പര്' എന്ന ചിത്രത്തലൂടെ ഹാസ്യവും തനിക്ക് വഴങ്ങുമെന്ന് തെളിയിച്ച നടനാണ്.
