ബോളിവുഡിന് ഏറെയിഷ്ടമുള്ള താരദമ്പതിമാരാണ് ജെനീലിയ ഡിസൂസയും റിതേഷ് ദേശ്മുഖും. റിതേഷും ജെനീലിയയും തങ്ങളുടെ ആദ്യ ചിത്രമായ തുജെ മേരി കസമിന്റെ സെറ്റിൽ വെച്ചാണ് പ്രണയത്തിലായത്. രണ്ട് ആണ്മക്കളുടെ അച്ഛനമ്മമാരായ ഇവരെ മാതൃകാദമ്പതിമാരെന്നാണ് പൊതുവേ അറിയപ്പെടുന്നത്. പരസ്പരമുള്ള പ്രണയവും സ്നേഹവുമെല്ലാം ഇപ്പോഴും നിലനിര്ത്തിയാണ് ഇവര് ജീവിക്കുന്നത്. ഇപ്പോഴിതാ തന്റെ അമ്മായിയമ്മ വൈശാലി ദേശ്മുഖിന് ഹൃദയസ്പർശിയായ ഒരു ജന്മദിനാശംസ പങ്കിട്ടിരിക്കുകയാണ് ജെനീലിയ. അമ്മായിയമ്മയുമായുള്ള പ്രത്യേക ബന്ധത്തെക്കുറിച്ച് ജെനീലിയ സംസാരിക്കുകയും അവരുടെ സ്നേഹത്തിനും പിന്തുണയ്ക്കും നന്ദി പറയുകയും ചെയ്താണ് താരത്തിന്റെ പോസ്റ്റ്. ‘‘പ്രിയപ്പെട്ട ആയ്, ഒരു പുരോഗമന സ്ത്രീ എങ്ങനെയായിരിക്കുമെന്ന് എന്നെ പഠിപ്പിച്ചതിന് നന്ദി, നിങ്ങളുടെ സ്വന്തം പോലെ എന്നെ സ്നേഹിച്ചതിന് നന്ദി, എന്റെ മറാത്തി ദിനംപ്രതി മെച്ചപ്പെടുത്തിയതിന് നന്ദി, എല്ലാറ്റിനും ഉപരിയായി എന്റെ ആയ് ആയതിന് നന്ദി ... ആയ് ജന്മദിനാശംസകൾ...നിങ്ങളെപ്പോലെ ആകാന് ആർക്കുമാവില്ല...’’ എന്നാണ് മക്കള്ക്കൊപ്പം അമ്മ നിറപുഞ്ചിരിയോടെ നില്ക്കുന്ന ചിത്രത്തിന്റെ കൂടെ ജെനീലിയ കുറിച്ചത്.
ജെനീലിയയുടെ പോസ്റ്റിനു താഴെ അമ്മായിയമ്മയ്ക്കും മരുമകൾക്കും നല്ല സുഹൃത്തുക്കളാകാൻ കഴിയില്ലെന്ന് ആരാണ് പറഞ്ഞത് എന്നതടക്കം പല ആരാധകരും കമന്റുകളിടുന്നുണ്ട്. കഴിഞ്ഞ വര്ഷം അമ്മായിയമ്മയുടെ ജന്മദിനത്തില് റിതേഷിനും അമ്മയ്ക്കുമൊപ്പമുള്ള ചിത്രം പങ്കിട്ട് ജെനീലിയ ഒരു കുറിപ്പ് എഴുതിയിരുന്നു. ‘‘ ഹാപ്പി ബർത്ത്ഡേ ആയി. ഞങ്ങളുടേത് മാത്രമായ ഒരു ബോണ്ട് ഞങ്ങൾ പങ്കുവെക്കുന്നതിൽ എനിക്ക് അതിയായ സന്തോഷമുണ്ട്, അവിടെ നമ്മൾ ചിരിക്കുന്നു, കരയുന്നു, രഹസ്യങ്ങൾ സൂക്ഷിക്കുന്നു, ചർച്ച ചെയ്യുന്നു, ഞങ്ങൾ അത് എങ്ങനെ കർശനമായി സൂക്ഷിക്കുന്നു എന്നത് അതിശയകരമാണ്. എപ്പോഴും എനിക്കൊപ്പം ഉണ്ടായിരുന്നതിന് നന്ദി. അമ്മയില്ലാതെ എനിക്ക് എല്ലാ ദിവസവും കടന്നുപോകാൻ കഴിയില്ലെന്ന് എനിക്കറിയാം. ഞാൻ ആയിയെ സ്നേഹിക്കുന്നു, നിങ്ങളുടെ മരുമകളായതിൽ എനിക്ക് അതിയായ സന്തോഷമുണ്ട്...’’ ജെനീലിയ കുറിച്ചു.
അമ്മയ്ക്കും ജെനീലിയ്ക്കും മക്കള്ക്കുമൊപ്പമുള്ള ചിത്രം പങ്കിട്ടാണ് റിതേഷ് അമ്മയ്ക്ക് ജന്മദിനാശംസ കുറിച്ചത്. ‘‘ആയ് ലവ് യു !!! … നിങ്ങൾ ഞങ്ങളുടെ ജീവനാണ്....’’ എന്നായിരുന്നു റിതേഷിന്റെ കുറിപ്പ്.
ക്യാമറയ്ക്ക് പോസ് ചെയ്യുമ്പോൾ മൂവരും അവരുടെ പുഞ്ചിരി മിന്നുന്നത് കാണാം.
ജെനീലിയ എഴുതി, “
