കേന്ദ്രസര്ക്കാര് ജീവനക്കാര്ക്ക് അധിക ഡിഎ അനുവദിച്ച് കേന്ദ്രമന്ത്രിസഭ. പെന്ഷന്കാര്ക്കും ഡിയര്നെസ് റിലീഫും അനുവദിച്ചട്ടുണ്ട്. തീരുമാനം കേന്ദ്ര ശമ്പള കമ്മിഷന് ശുപാര്ശ ചെയ്തതനുസരിച്ചാണ്. വിലക്കയറ്റത്തിന് അനുസരിച്ച് ഡി എ വര്ധിപ്പിക്കാനാണ് മന്ത്രിസഭ തീരുമാനമെടുത്തിരിക്കുന്നത്. ഉദ്യോഗസ്ഥര്ക്ക് നാലുശതമാനം ഡിഎ വര്ധനയെന്ന ശുപാര്ശയ്ക്കാണ് കേന്ദ്രമന്ത്രിസഭ അംഗീകാരം നല്കിയിരിക്കുന്നത്.
മന്ത്രിസഭയുടെ ഈ തീരുമാനം നടപ്പിലാകുന്നതോടെ നിലവിലെ 42 ശതമാനം എന്നതില് നിന്ന് ഡി എ 46 ശതമാനമായി വര്ധിക്കും. ഈ വര്ധന 2023 ജൂലൈ 1 മുതല് പ്രാബല്യത്തിലായിരിക്കും.
രാജ്യത്തെ 48.67 ലക്ഷം കേന്ദ്രസര്ക്കാര് ജീവനക്കാര്ക്കും 67.95 പെന്ഷന്കാര്ക്കും കേന്ദ്രത്തിന്റെ പുതിയ തീരുമാനത്തിന്റെ പ്രയോജനം ലഭ്യമാകും.
വിപണിയില് പണം ഉറപ്പാക്കി വിലക്കയറ്റം പിടിച്ചുനിര്ത്താന് പുതിയ തീരുമാനത്തിലൂടെ സാധിക്കുമെന്നും കേന്ദ്രസര്ക്കാര് വിലയിരുത്തുന്നു. ഇന്ന് മന്ത്രിസഭായോഗം ചേര്ന്നത് പ്രധാനമന്ത്രിയുടെ അധ്യക്ഷതയിലാണ്.
