ക്രിക്കറ്റ്പ്രേമികള്ക്ക് ആവേശമായി മാറുകയാണ് ഇത്തവണത്തെ ഐസിസി വേള്ഡ് കപ്പ്. ഓരോ കളികളും ഏറെ ആവേശത്തോടെ ആരാധകര് ഏറ്റെടുക്കുന്നത്. ഏകദിന ലോകകപ്പ് ക്രിക്കറ്റില് കഴിഞ്ഞ ദിവസം നടന്ന ഇന്ത്യ-ബംഗ്ലാദേശ് മത്സരവും നിറഞ്ഞ കൈയടിയോടെയാണ് ആരാധകര് സ്വീകരിച്ചത്. അതിനിടയില് ക്യാമറക്കണ്ണുകളില് പതിഞ്ഞ മറ്റൊരു മുഖവുമുണ്ടായിരുന്നു. ഗ്യാലറിയിരുന്ന് നിറഞ്ഞ കൈയടിയോടെ മത്സരം ആവേശത്തില് കാണുന്ന ഒരു യുവതിയുടെ മുഖമായിരുന്നു അത്. ക്രിക്കറ്റ് ഇതിഹാസം സച്ചിൻ ടെൻഡുല്ക്കറുടെ മകള് സാറാ ടെൻഡുല്ക്കറായിരുന്നു ഗ്യാലറിയിലെ താരമായി മാറിയത്. മൈതാനത്ത് വിരാട് കോലിയും രോഹിത് ശര്മ്മയും ശുഭ്മാന് ഗില്ലിമൊക്കെ താരങ്ങളായ മത്സരത്തില് പക്ഷേ തിളങ്ങിനിന്നത് സാറാ ടെൻഡുല്ക്കറാണ്. ബംഗ്ലാദേശ് ബൗളര് ഹസൻ മഹ്മൂദിനെ ഓപ്പണറായ ഗില് ബൗണ്ടറി കടത്തിയപ്പോള് കൈയ്യടിയുമായി താരത്തെ പ്രോത്സാഹിപ്പിക്കുന്ന സാറയെ ടെലിവിഷനിലൂടെ ആരാധകര് കണ്ടു. ഇന്ത്യന് യുവതാരം ശുഭ്മാന് ഗില്ലുമായി സ്നേഹത്തിലാണ് എന്ന് സാറ ടെന്ഡുല്ക്കറെ കുറിച്ച് മുമ്പ് അഭ്യൂഹങ്ങള് കേട്ടിരുന്നു. ഈ ദൃശ്യങ്ങള് വന്നതോടെ ഇരുവരേയും ചേര്ത്ത് പോസ്റ്റുകളും ട്രോളുകളും വീണ്ടും സോഷ്യല് മീഡിയയില് നിറയുകയാണ്. ഇരുവരുടേയും സൗഹൃദം പ്രണയമാണെന്ന തരത്തില് ആരാധകര് ആഘോഷിച്ചപ്പോഴും ഇവര് രണ്ടാളും ഇക്കാര്യങ്ങളില് പ്രതികരിച്ചിട്ടില്ല.
Sara Tendulkar cheering Shubman Gill's boundary.#केसरी_है_तो_कांग्रेस_नहीं@rb_jaat @Mukeshbaitu @deepakjat5 @Bhagirathmahia @cute_jatnii @Choudhary58Ji @DDjat07 @geet_choudhary7 @Rj07I @Avani_singh21 @SumanDudi6#Sara #SaraTendulkar #ShubmanGill#indiavsbangladesh #INDvsBAN pic.twitter.com/rzvxoBKbq4
— GORDHAN GODARA (@gordhangodarac) October 19, 2023
എന്നാല് ശുഭ്മാൻ ഗില്ലിന്റെ മനംകവര്ന്നത് സാറ ടെന്ഡുല്ക്കറല്ല, ബോളിവുഡ് താരം സാറാ അലിഖാനാണെന്ന് എന്നും വാര്ത്തകളുണ്ടായിരുന്നു. ഏതായാലും ഗില്ലിന്റെയും സാറ ടെന്ഡുല്ക്കറുടെയും സൗഹൃദത്തിലും ആരാധകര് സന്തോഷിക്കുന്നുണ്ട്. മത്സരത്തില് ബംഗ്ലാദേശിനെതിരെ ശുഭ്മാന് ഗില് 55 പന്തില് അഞ്ച് ഫോറും രണ്ട് സിക്സറുകളും സഹിതം 53 റണ്സ് നേടിയിരുന്നു. ഗില്ലിന് പുറമെ വിരാട് കോലിയും രോഹിത് ശര്മ്മയും ബാറ്റ് കൊണ്ട് തിളങ്ങിയ മത്സരത്തില് ടീം ഇന്ത്യ ഏഴ് തിളങ്ങിയ മത്സരത്തില് ടീം ഇന്ത്യ ഏഴ് വിക്കറ്റിന്റെ ജയം നേടി.
