തെന്നിന്ത്യയിലെ ക്യൂട്ട് കപ്പിള് ആണ് നയന്താരയും വിഘ്നേശ് ശിവനും. ഇവരുടെ വിവാഹവും തുടര്ന്ന് സറോഗസിയിലൂടെ ഇരുവരും ഇരട്ടക്കുട്ടികളുടെ മാതാപിതാക്കള് ആയതും ആരാധകര് ആഘോഷമാക്കിയിരുന്നു.
ഏഴ് വര്ഷത്തെ പ്രണയത്തിന് ശേഷമാണ് ഇരുവരും വിവാഹിതരായത്. നാനും റൗഡി താന് എന്ന സിനിമയ്ക്കിടെയാണ് നയന്താരയും വിഘ്നേശും പ്രണയത്തിലാകുന്നത്. 2015 ല് പുറത്തിറങ്ങിയ സിനിമ വന് ഹിറ്റായിരുന്നു.കഴിഞ്ഞ ദിവസം ചിത്രം ഇറങ്ങിയിട്ട് എട്ട് വര്ഷം തികഞ്ഞു. കേക്ക് മുറിച്ചാണ് നയന്സും വിക്കിയും ഇതാഘോഷിച്ചത്.
പാണ്ടിയനും കാദംബരിയും അവരുടെ സംവിധായകനും ചേര്ന്ന് കേക്ക് മുറിച്ചായിരുന്നു ആ നിമിഷം ആഘോഷമാക്കിയത്. ദമ്പതികള്ക്കൊപ്പം നടന് വിജയ് സേതുപതിയും ഒത്തുചേര്ന്നു.
സിനിമയുടെ വാര്ഷികം എന്നതിനേക്കാള്, ജീവിതത്തില് വഴിത്തിരിവായ സംഭവത്തിന്റെ ഓര്മ്മപ്പെടുത്തലാണ് നയന്താരയ്ക്കും വിഗ്നേഷ് ശിവനും ഇത്. പില്ക്കാലത്ത് നയനും വിക്കിയും ചേര്ന്ന് രൂപംകൊടുത്ത നിര്മാണ കമ്പനിക്കും റൗഡി പിക്ചേഴ്സ് എന്ന് പേര് വന്നത് ആ പ്രണയത്തിന്റെ പ്രതീകം എന്ന നിലയ്ക്ക് കൂടിയാണ്.
