ഒന്നിലധികം ഫോണ് നമ്പറുകള് ഉപയോഗിക്കുന്നവര്ക്ക് ഏറെ ഉപയോഗപ്രദമായ പുതിയ ഫീച്ചറുമായി എത്തിയിരിക്കുകയാണ് വാട്ട്സാപ്പ്. ഇനി ആപ്പിലൂടെ ഒരേ സമയം ഒന്നിലധികം അക്കൗണ്ടുകള് ലോഗിന് ചെയ്യാം. ഇതിനോടകം തന്നെ ടെലിഗ്രാമില് ഈ ഫീച്ചര് ലഭ്യമായി തുടങ്ങി. ഒന്നിലധികം വാട്ട്സാപ്പുകള് നിലവിലുള്ളവര് ക്ലോണ് ആപ്പ് എടുക്കുകയോ അല്ലെങ്കില് ബിസിനസ് വാട്ട്സാപ്പിനെ ആശ്രയിക്കുന്നതോ ആണ് പതിവ്. എന്നാല് പുതിയ ഫീച്ചറിന് വരവോടെ ഉപഭോക്താക്കള്ക്ക് വ്യത്യസ്തമായ അക്കൗണ്ടുകള് ഒരേ ആപ്പിലൂടെ തന്നെ ലോകിന് ചെയ്യാന് കഴിയുന്നു.
ഇതിനായി ഡ്യുവല് സിം സൗകര്യമുള്ള ഫോണില് രണ്ട് സിംകാര്ഡ് കണക്ഷനുകള് വേണം. എന്നിട്ട് വാട്ട്സാപ്പ് സെറ്റിങ്സ് ഓപ്പണ് ചെയ്യുക. നിങ്ങളുടെ പേരിന് നേരെയുള്ള ചെറിയ ആരോ (Arrow) ടാപ്പ് ചെയ്യുക. 'ആഡ് അക്കൗണ്ട്' തിരഞ്ഞെടുക്കുക. രണ്ടാമത്തെ മൊബൈല് നമ്പര് ടൈപ്പ് ചെയ്ത് വെരിഫിക്കേഷന് പ്രോസസ് പൂര്ത്തീകരിക്കുക. പുതിയ അക്കൗണ്ട് ചേര്ക്കപ്പെടും. ശേഷം പേരിന് നേരെയുള്ള ആരോ മാര്ക്ക് അമര്ത്തിയാല് അക്കൗണ്ടുകള് നിങ്ങള്ക്ക് മാറ്റി ഉപയോഗിക്കാനായി കഴിയും. അതേ സമയം ഒരു കാര്യം ഓര്മയില് വെയ്ക്കുക രണ്ട് അക്കൗണ്ടുകള്ക്കും വ്യ്ത്യസ്ത പ്രൈവസി സെറ്റിങ്സും നോട്ടിഫിക്കേഷന് സെറ്റിങ്സുമായിരിക്കും. നിലവില് ഈ അപ്ഡേറ്റുകള് വാട്ടസാപ്പിലെ ബീറ്റാ പതിപ്പുകളിലും സ്റ്റേബിള് വേര്ഷനുകളിലും ലഭ്യമാണ്.
ഇന്ത്യ പോലുള്ള വിപണികളില് ഡ്യുവല് സിം ഫോണുകള് ഉപയോഗിക്കുന്ന ആളുകളുടെ എണ്ണം കൂടുതലാണ്. അതിനാല് തന്നെ ഇത്തരത്തിലുള്ള സവിശേഷതകള് അത്യവശ്യമാണ്. മെറ്റ പറയുന്നത് രണ്ട് അക്കൗണ്ടുകല് പ്രവര്ത്തിപ്പിക്കുന്നതിനായി രണ്ട് സിമ്മും ആക്ടീവായിരിക്കണമെന്നാണ്.വാട്ട്സ്ആപ്പ് ആന്ഡ്രോയിഡ് ബീറ്റ പതിപ്പില് നേരത്തെ മള്ട്ടി അക്കൌണ്ട് സപ്പോര്ട്ട് ലഭിച്ചിരുന്നു.
