മലയാള സിനിമയിലെ മുൻനിര നായികയായ വാണി വിശ്വനാഥിനെ ആക്ഷന് നായികയായ വിജയശാന്തിയെന്ന് അറിയപ്പെട്ടിരുന്ന ഒരു കാലമുണ്ടായിരുന്നു. പോലീസ് വേഷങ്ങള് വാണി വിശ്വനാഥിനോളം ചേരുന്ന അഭിനേത്രികള് മലയാളത്തില് ഉണ്ടോയെന്ന് തന്നെ സംശയമാണ്. അതുകൊണ്ട് തന്നെ താരത്തിന്റെ പോലീസ് വേഷങ്ങള്ക്കായി ആരാധകര് എപ്പോഴും കാത്തിരിക്കാറുണ്ട്. ആ കാത്തിരിപ്പിന് അവസാനം കുറിക്കുകയാണ് ‘ആസാദി’ എന്ന സിനിമ. ഇപ്പോഴിതാ ‘ആസാദി’ യുടെ പുതിയ ഫസ്റ്റ് ലുക്ക് പോസ്റ്റര് പങ്കുവച്ചിരിക്കുകയാണ് വാണിയുടെ ഭര്ത്താവും നടനുമായ ബാബുരാജ്. ‘‘വരുന്നു... തിരികെ...’’ എന്ന ക്യാപ്ഷനും നല്കിയാണ് ബാബുരാജ് പോസ്റ്റര് സോഷ്യല് മീഡിയയിലൂടെ പങ്കിട്ടിരിക്കുന്നത്. നീണ്ട ഒൻപത് വര്ഷങ്ങള്ക്ക് ശേഷം തിരികെയെത്തുകയാണ് വാണി വിശ്വനാഥ്. സുപ്രധാനമായ ഒരു പൊലീസ് കഥാപാത്രത്തെയാണ് വാണി വിശ്വനാഥ് ചിത്രത്തില് അവതരിപ്പിക്കുന്നത്. പോസ്റ്റര് കണ്ട് ‘പെൺപുലി തിരിച്ചുവരുന്നു, അയണ്ലേഡി റിട്ടേണ്സ്, ഞങ്ങളുടെ റിയല് ലേഡി സൂപ്പര്സ്റ്റാര്’ എന്നതടക്കമാണ് പലരും കമന്റുകളിടുന്നത്.
നവാഗതനായ ജോ ജോര്ജ് സംവിധാനം ചെയ്യുന്ന ‘ആസാദി’യില് ശ്രീനാഥ് ഭാസിയാണ് കേന്ദ്ര കഥാപാത്രത്തെ അവതരിപ്പിക്കുന്നത്. കുമ്പാരീസ്, വികാ, സത്യം മാത്രമേ ബോധിപ്പിക്കൂ, കനകരാജ്യം എന്നീ ചിത്രങ്ങളുടെ സംവിധായകൻ സാഗറാണ് ത്രില്ലര് ഗണത്തിലുള്ള തിരക്കഥ രചിച്ചിരിക്കുന്നത്. മാമന്നൻ എന്ന തമിഴ് ചിത്രത്തിലെ നായികയായി തിളങ്ങിയ രവീണാ രവിയാണ് ഈ ചിത്രത്തിലെ നായിക. പ്രമുഖ ഡബ്ബിങ് താരം ശ്രീജ രവിയുടെ മകളാണ് രവീണ. ലാല്, സൈജു കുറുപ്പ്, ടി.ജി. രവി, രാജേഷ് ശര്മ്മ, ബോബൻ സാമുവല്, സാബു ആമി, ജിലു ജോസഫ്, അഭിരാം, ആൻ്റണി ഏലൂര്, അബിൻ ബിനോ എന്നിവരും ചിത്രത്തിലുണ്ട്. ലിറ്റില് ക്രൂ പ്രൊഡക്ഷൻസിന്റെ ബാനറില് ഫൈസല് രാജയാണ് ചിത്രം നിര്മ്മിക്കുന്നത്.
