മലയാള സംവിധായകന് റോഷന് ആന്ഡ്രൂസ് സംവിധാനം ചെയ്ത് ബോളിവുഡ് താരം ഷാഹിദ് കപൂര് നായകനാവുന്ന ബോളിവുഡ് ചിത്രം 'ദേവ'യുടെ ഫസ്റ്റ് ലുക്ക് പുറത്തുവിട്ട് അണിയറപ്രവര്ത്തകര്. ഒരു പോലീസുകാരനായാണ് ഷാഹിദ് ചിത്രത്തിലെത്തുന്നത്.ബോബി- സഞ്ജയ്- ഹുസൈന് ദലാല് എന്നിവര് ചേര്ന്നാണ് ചിത്രത്തിന് തിരക്കഥയെഴുതുന്നത്. പൂജ ഹെഗ്ഡെ ആണ് ചിത്രത്തിലെ നായിക.
അതേ സമയം ഈ ചിത്രം റോഷന് ആന്ഡ്രൂസിന്റെ തന്നെ മുംബൈ പോലീസിന്റെ റീമേക്ക് ആണെന്നാണ് സ്ഥിതീകരിക്കാത്ത റിപ്പോര്ട്ടുകള്. ചിത്രം അടുത്ത വര്ഷം പകുതിയോട് കൂടി തിയേറ്ററുകളിലെത്തും.
ചിത്രത്തിലെ മറ്റ് അഭിനേതാക്കള് ആരൊക്കെയാണെന്ന് ഇതുവരെ പുറത്തുവിട്ടിട്ടില്ല. കഴിഞ്ഞ വര്ഷം ഷാഹിദ് ഈ സിനിമയ്ക്കായി ഡേറ്റ് നല്കിയിരുന്നെന്നും പക്ഷേ തിരക്കഥ പൂര്ത്തിയാക്കേണ്ടത് കാരണമാണ് നീണ്ടുപോയതെന്നും. ഇപ്പോള് സിനിമയുടെ പോസ്റ്റ് പ്രൊഡക്ഷന് വര്ക്കുകള് നടന്നുകൊണ്ടിരിക്കുകയാണെന്നും പിങ്ക് വില്ലയെ ഉദ്ധരിച്ച് ഇന്ത്യ ടുഡേ റിപ്പോര്ട്ട് ചെയ്തു.
ദിനേശ് വിജയന്റെ പേരിടാത്ത റൊമാന്റിക്-കോമഡി സിനിമയുടെ ചിത്രീകരണം പൂര്ത്തിയാക്കി തിയേറ്റര് റിലീസിനായി കാത്തിരിക്കുകയാണ് ഷാഹിദ് കപൂര്.
