മലയാളികളുടെ സ്വകാര്യ അഹങ്കാരമായ മമ്മൂട്ടിയുടെ ഏറ്റവും പുതിയ ചിത്രം ‘കണ്ണൂര് സ്ക്വാഡ്’ മികച്ച പ്രതികരണം നേടി തിയേററ്ററുകളില് മുന്നേറുകയാണ്. ലിയോ അടക്കം വന് ചിത്രങ്ങള് വന്നിട്ടും കണ്ണൂര് സ്ക്വാഡ് പലയിടത്തും തീയറ്ററില് തുടരുന്നുണ്ട്. ഹൈപ്പില്ലാതെ എത്തിയിട്ടും ആഗോളതലത്തില് ചിത്രം കളക്ഷൻ റെക്കോര്ഡുകള് തിരുത്തുകയാണ് കണ്ണൂര് സ്ക്വാഡ്. മമ്മൂട്ടിയുടെ കരിയറിലെ തന്നെ ഏറ്റവും വലിയ പണം വാരിപ്പടങ്ങളില് ഒന്നായിരിക്കുകയാണ് കണ്ണൂര് സ്ക്വാഡ്. ഇപ്പോഴിതാ സിനിമയിലെ പുതിയൊരു അണിയറ വീഡിയോ പുറത്തു വിട്ടിരിക്കുകയാണ് ചിത്രത്തിന്റെ നിര്മ്മാതാക്കളായ മമ്മൂട്ടി കമ്പനി. ഒരു പ്രൊമോഷനിടെ മമ്മൂട്ടി പറഞ്ഞ സിനിമയിലെ ഒരു രംഗമാണ് ബിഹൈന്റ് ദ സീന് വീഡിയോയിലൂടെ പുറത്തു വന്നിരിക്കുന്നത്. ചിത്രത്തിലെ സുപ്രധാന രംഗമായിരുന്നു ഉത്തര്പ്രദേശിലെ ടിക്രി എന്ന ഗ്രാമത്തില് പോയിട്ട് ഒരാളെ പിടിക്കുന്ന കണ്ണൂര് സ്ക്വാഡിന്റെ സീനുകള്. വളരെ സംഘര്ഷങ്ങള് നിറഞ്ഞ നിര്ണ്ണായകമായ സ്റ്റണ്ട് കാണിക്കുന്ന ഈ സീന് ഉത്തര്പ്രദേശ് എന്ന് തോന്നിക്കുന്ന പോലെയുള്ള സ്ഥലത്താണ് ചെയ്തത്. ഈ ഭാഗങ്ങള് എറണാകുളത്ത് സെറ്റിട്ടാണ് ചെയ്തതാണ് എന്നാണ് വീഡിയോയിലൂടെ വ്യക്തമാകുന്നത്. ടിക്രി വില്ലേജ് കണ്ണൂര് സ്ക്വാഡ് അണിയറക്കാര് എറണാകുളത്ത് സെറ്റിടുകയായിരുന്നു. സെറ്റ് പണിക്ക് നേതൃത്വം നല്കിയത് പ്രൊഡക്ഷന് ഡിസൈനര് ഷാജി നടുവിലാണ്. 14 ദിവസം രാത്രിയും പകലും പണിയെടുത്താണ് ടിക്രി വില്ലേജ് കണ്ണൂര് സ്ക്വാഡ് അണിയറക്കാര് എറണാകുളത്ത് സെറ്റിട്ടത്.
റോബി വര്ഗീസ് രാജ് സംവിധാനം ചെയ്ത ഈ സിനിമ ഒരു മികച്ച ഒരു ത്രില്ലര് ചിത്രമായിരുന്നു. മുഹമ്മദ് ഷാഫിക്കൊപ്പം കണ്ണൂര് സ്ക്വാഡിന്റെ തിരക്കഥാ രചനയില് നടൻ റോണി ഡേവിഡ് രാജും പങ്കാളിയപ്പോള് മികച്ച ഒരു ത്രില്ലര് ചിത്രമായിരിക്കുന്നു കണ്ണൂര് സ്ക്വാഡ്. നൻപകല് നേരത്ത് മയക്കത്തിനും റോഷാക്കിനും ശേഷം മമ്മൂട്ടി കമ്പനിയുടെ നിര്മാണത്തില് എത്തിയ കണ്ണൂര് സ്ക്വാഡിന്റെ വിതരണം ദുല്ഖറിന്റെ വേഫെറര് ഫിലിംസും ആണ്.
