ഹിന്ദി സീരിയലുകളിലൂടെ കുടുംബപ്രേക്ഷകരുടെ മനസ്സിലേക്ക് ചേക്കേറിയ താരമാണ് മൗനി റോയ്. ദേവോം കാ ദേവ് മഹാദേവ്, നാഗിന് എന്നീ സീരിയലുകളാണ് താരത്തെ കൂടുതല് ജനപ്രിയയാക്കിയത്. പിന്നീട് ബിഗ് സ്ക്രീനിലും തന്റെ കഴിവ് തെളിയിച്ചിട്ടുണ്ട് താരം. ഫാന്റസി ആക്ഷൻ-അഡ്വഞ്ചർ ബ്രഹ്മാസ്ത്ര: ഒന്നാം ഭാഗം - ശിവ എന്ന ചിത്രത്തിലെ ജുനൂൻ എന്ന കഥാപാത്രത്തിന്റെ പ്രകടനത്തിന് റോയിക്ക് ഉയർന്ന നിരൂപക പ്രശംസ ലഭിച്ചിരുന്നു. സോഷ്യല് മീഡിയയില് സജീവമായ താരം എല്ലാ ഫോട്ടോഷൂട്ടുകളും വിശേഷങ്ങളും അതിലൂടെ പങ്കിടാറുണ്ട്. താരത്തിന്റെ ഗ്ലാമര് ഫോട്ടോഷൂട്ടുകള്ക്ക് ഏറെ ആരാധകരുമുണ്ട്. മലയാളിയായ സൂരജ് നമ്പ്യാരെ ദീര്ഘനാളത്തെ പ്രണയത്തിനു ശേഷമാണ് മൗനി വിവാഹം ചെയ്തത്. അതിനു ശേഷം രണ്ടുപേരും ഒരുമിച്ചുള്ള ചിത്രങ്ങളും ആരാധകര്ക്ക് മുന്നിലെത്താറുണ്ട്. ഇപ്പോഴിതാ പ്രിയ ഭർത്താവിന് വേണ്ടി മൗനി റോയ് പങ്കിട്ട ഒരു ചിത്രം ഏറ്റെടുത്തിരിക്കുകയാണ് ആരാധകര്. ‘‘ഇന്ന് നിന്നെ ഒരുപാട് മിസ്സ് ചെയ്യുന്നു...പെട്ടെന്ന് തിരികെ വരൂ...’’ എന്ന ക്യാപ്ഷനൊപ്പം സൂരജിനെ ചേര്ത്തു പിടിച്ചിരിക്കുന്ന ചിത്രവും മൗനി പങ്കിട്ടിട്ടുണ്ട്. സൂരജിനോടുള്ള സ്നേഹം പ്രകടിപ്പിക്കുകയും ദസറയ്ക്ക് ആശംസകൾ അറിയിക്കുകയും ചെയ്തിട്ടുണ്ട് താരം.
ചിത്രങ്ങളില് സൂരജ് പുഞ്ചിരിക്കുമ്പോൾ മൗനി മനോഹരമായി ആലിംഗനം ചെയ്യുന്നത് കാണാം. പരമ്പരാഗത സ്യൂട്ടും ധരിച്ച മൗനിയും വെളുത്ത കുർത്ത പൈജാമയും ധരിച്ച സൂരജുമാണ് ചിത്രങ്ങളില്. മറ്റൊരു ചിത്രത്തില് പരമ്പരാഗത ബംഗാളി സാരി ധരിച്ച മൗനി കുർത്തയും മഞ്ഞ ധോത്തിയും ധരിച്ച സൂരജിനെയും കാണാം. മൗനിയുടെ പോസ്റ്റും ചിത്രങ്ങളും ഏറ്റെടുത്തിരിക്കുകയാണ് ആരാധകര്.
