ഗോവിന്ദ് പത്മസൂര്യയും ഗോപിക അനിലും വിവാഹിതരാകാന് പോകുന്നു എന്ന വാര്ത്ത ആരാധകര്ക്ക് അപ്രതീക്ഷിതമായിരുന്നു. ഇരുവരുടെയും വിവാഹ നിശ്ചയ ചിത്രങ്ങള് പുറത്തു വന്നതോടെയാണ് പലരും വിവാഹക്കാര്യം അറിഞ്ഞത്. എന്നാല് ഗോപിക അഭിനയിക്കുന്ന സീരിയലിന്റെ സംവിധായകന് ആദിത്യന് മരിച്ച് ദിവസങ്ങള്ക്കുളളിലായിരുന്നു ഇരുവരുടെയും വിവാഹ നിശ്ചയ ചടങ്ങ്.
ചടങ്ങിന്റെ ദൃശ്യങ്ങള് പുറത്തു വന്നതോടെഒരു മരണത്തിന് പിന്നാലെ നടന്ന ആഘോഷത്തിനെ വിമര്ശിച്ച് നിരവധി പേര് രംഗത്തെത്തിയിരുന്നു. ഗോപികയ്ക്കെതിരെ വലിയ രീതിയില് വിമര്ശനങ്ങളും ഉയര്ന്നിരുന്നു. ഇപ്പോഴിതാ വിമര്ശനങ്ങളോട് പ്രതികരിച്ചിരിക്കുകയാണ് ഗോപികയുടെ സഹോദരി കീര്ത്തന. ഒരു ഓണ്ലൈന് മാധ്യമത്തിന് നല്കിയ അഭിമുഖത്തിലാണ് കീര്ത്തന കാര്യങ്ങള് വിശദീകരിച്ചത്.
പ്രതീക്ഷിക്കാത്ത കാര്യങ്ങളാണ് സംഭവിച്ചത്. നമുക്ക് ഇതൊന്നും അറിയില്ലല്ലോ. അതിനാല് നമുക്ക് ഒന്നും ചെയ്യാന് പറ്റില്ലല്ലോ. പിന്നെ വിമര്ശിക്കുന്നവര് ചിന്തിക്കാതെ സംസാരിക്കുകയാണ്. ഒരു ചടങ്ങ് നടത്തുന്നതിന് പിന്നില് ഒരുപാട് കാര്യങ്ങള് ഉണ്ട്. ഹാള്, ഭക്ഷണം, ബന്ധുക്കള്, സുഹൃത്തുക്കള് എല്ലാവരും ചടങ്ങില് പങ്കെടുക്കാന് വരികയും ചെയ്യുന്നു. ചടങ്ങ് മാറ്റിവെക്കുക എന്നത് പ്രാക്ടിക്കലായതൊന്നുമല്ല കീര്ത്തന പറഞ്ഞു.
ഒന്നും രഹസ്യമാക്കി വെച്ചതല്ലെന്നും അവര് തന്നെ ഒഫീഷ്യലി അനൗണ്സ് ചെയ്യണമെന്ന ആഗ്രഹമുണ്ടടായിരുന്നു എന്നും കീര്ത്തന അഭിമുഖത്തില് വ്യക്തമാക്കി.
മറ്റുളള മീഡിയ വഴി അറിയേണ്ടതില്ലല്ലോ. ഇവര് തന്നെ ഒഫിഷ്യലി പറയുന്നത് അല്ലേ അതിന്റെ ശരി. മീഡിയക്കാര് വഴിയാണ് ഇരുവരും ഫേമസ് ആയത് അതുകൊണ്ട് തന്നെ ഇരുവരും തന്നെ അനൗണ്സ് ചെയ്യുന്നതല്ലേ നല്ലത്. പലരും പരസ്യത്തിന്റെ ഷൂട്ടിങ്ങാണോ പ്രമോഷനുളള ഫോട്ടോഷൂട്ടാണോ എന്നൊക്കെ സംശയിച്ചു. അങ്ങനൊരു സംശയം കൂടുതല് ആളുകള്ക്ക് വരാതിരിക്കാനാണ് കുടുംബസമേതമുളള ചിത്രം പങ്കുവെച്ചത്. കീര്ത്തന പറഞ്ഞു.
പ്രണയ വിവാഹമല്ലെന്നും ജിപി ചേട്ടന് എനിക്ക് പറ്റിയ അളിയനാണെന്നും ഒരു ഗൈഡും മെന്ററുമെല്ലാമാണെന്നും ചേച്ചിയെ ജിപി ചേട്ടന് ഭയങ്കര റെസ്പെക്ടാണെന്നും കീര്ത്തന പറഞ്ഞു.
