ലിയോ സക്സസ് മീറ്റ് അനൗൺസ് ചെയ്ത് നിർമ്മാണ കമ്പനിയായ സെവൻ സ്ക്രീൻ സ്റ്റുഡിയോ. നവംബർ ഒന്നിന് ചെന്നൈയിലെ നെഹ്റു ഇൻഡോർ സ്റ്റേഡിയത്തിൽ ചിത്രത്തിന്റെ സക്സസ് മീറ്റ് നടത്തും. സോഷ്യൽ മീഡിയ പ്ലാറ്റ്ഫോമായ എക്സിലൂടെയാണ് ഇക്കാര്യം നിർമ്മാതാക്കൾ അറിയിച്ചത്.
'ദളപതിയുടെ കുട്ടിക്കഥ ഇല്ലാതെ എങ്ങനെ നൻപാ... നിങ്ങൾക്കെല്ലാവർക്കും വേണ്ടി കുടുംബസമേതം ലിയോ.. സോറി പാർത്ഥിപനും ക്രൂവും എത്തുന്നു, മിസ്സാക്കരുത്, ബ്ലഡ് സ്വീറ്റ് വിക്ടറി' എന്നാണ് സെവൻ സ്ക്രീൻ എക്സിൽ കുറിച്ചത്. പ്രഖ്യാപനം വന്നതോടെ ആരാധകർ ആവേശത്തിലാണ്. ലോകേഷ് കനകരാജ്- വിജയ് കൂട്ടുകെട്ടിൽ പുറത്തിറങ്ങിയ ലിയോ വമ്പൻ വിജയമായിരുന്നു.
ഒക്ടോബർ 19നാണ് ചിത്രം റിലീസ് ചെയ്തത്. ഇതിനോടകം തന്നെ 500 കോടി ക്ലബ്ബിൽ എത്തിയിരുന്നു. 12 ദിവസം കൊണ്ടാണ് ആഗോളതലത്തിൽ ചിത്രം 500 കോടി മറികടക്കുന്നത്. അനിരുദ്ധ് രവിചന്ദർ സംഗീതമൊരുക്കുന്ന ലിയോയിൽ സഞ്ജയ് ദത്ത്,അർജുൻ സർജ, ഗൗതം മേനോൻ, മിഷ്കിൻ, മാത്യു തോമസ്, മൻസൂർ അലി ഖാൻ, പ്രിയ ആനന്ദ്, സാൻഡി, ജനനി, അഭിരാമി വെങ്കിടാചലം, ബാബു ആന്റണി തുടങ്ങിയ താരങ്ങൾ ശ്രേധേയമായ വേഷങ്ങളിലെത്തുന്നു.
സെവൻ സ്ക്രീൻ സ്റ്റുഡിയോ, ദി റൂട്ട് എന്നിവയുടെ ബാനറുകളിൽ ലളിത് കുമാറും ജഗദീഷ് പളനിസാമിയും ചേർന്നാണ് ലിയോ നിർമിച്ചത്. ഗോകുലം മൂവിസിന് വേണ്ടി ഗോകുലം ഗോപാലൻ ആണ് കേരളത്തിലെ വിതരണാവകാശം സ്വന്തമാക്കിയത്.ഡ്രീം ബിഗ് ഫിലിംസാണ് കേരളത്തിലെ ഡിസ്ട്രിബൂഷൻ പാർട്ട്നർ. ലിയോയുടെ ഡി.ഒ.പി : മനോജ് പരമഹംസ, ആക്ഷൻ : അൻപറിവ് , എഡിറ്റിങ്: ഫിലോമിൻ രാജ്.
#Thalapathy oda kutty story illama epdi nanbaa 🎙️🎤#Leo🙊sry parthiban's moththa family & crew is coming for you all ❤️#TheRoarOfLeo - Bloody sweet Victory 🦁
Tomorrow 🔥
P.S. Intha vaati miss aagaathu👍#Thalapathy @actorvijay sir @Dir_Lokesh @trishtrashers… pic.twitter.com/KESdWKvHOv— Seven Screen Studio (@7screenstudio) October 31, 2023
