ബാലതാരത്തിലൂടെ തുടങ്ങി പിന്നീട് മലയാള സിനിമയിലെ നായകവേഷത്തില് തിളങ്ങി നിന്ന താരമാണ് ബൈജു. നര്മ്മരസങ്ങളുള്ള വേഷങ്ങള് മാത്രമല്ല കരുത്തുറ്റ കഥാപാത്രങ്ങളും തനിക്കിണങ്ങുമെന്ന് അടുത്തിടെയായി താരം തെളിയിക്കുന്നുണ്ട്. വര്ഷങ്ങളായി മലയാള സിനിമയില് തന്റേതായൊരു ഇടം നേടിയെടുത്തിട്ടുണ്ട് ബൈജു. ഇപ്പോഴിതാ മലയാളികള്ക്ക് ഏറെ പ്രിയപ്പെട്ട ഒരിടമായ തലസ്ഥാന നഗരിയിലെ മാനവീയം വീഥിയില് ന്യൂ ജൻ പിള്ളേര്ക്കൊപ്പം പാടിയിരിക്കുകയാണ് ബൈജു. തലമുറ വ്യത്യാസമില്ലാതെ മലയാളികള് എന്നും ഇഷ്ടപ്പെടുന്ന മോഹൻലാലിന്റേയും ശ്രീനിവാസന്റെയും പഴയകാല സിനിമകളിലെ ഗാനങ്ങളാണിവര് പാടുന്നത്.
നഗരത്തിനുള്ളിലെ ഒരു സാംസ്കാരിക ഇടനാഴിയാണ് മാനവീയം വീഥി. മ്യൂസിയം - വെള്ളയമ്പലം റോഡില് വയലാര് പ്രതിമ സ്ഥാാപിച്ചിരിക്കുന്നിടത്തു നിന്നും ആല്ത്തറ ജംഗ്ഷനിലെ ജി ദേവരാജന്റെ പ്രതിമ വരെയുള്ള 180 മീറ്റര് ദൂരത്തിലാണ് വീഥി നീളുന്നത്. ഈ വീഥി സാംസ്കാരിക കൂട്ടായ്മകള്ക്ക് പേരുകേട്ടതാണ്. തിരുവനന്തപുരത്ത് പഠിക്കാനും ജോലിക്കും ഒക്കെയായി എത്തുന്ന യുവാക്കളുടെയും അതുപോലെ തന്നെ വിശ്രമ ജീവിതം നയിക്കുന്ന മുതിര്ന്നവരുടെയും ഒക്കെ പ്രിയപ്പെട്ട ഒരു വിഹാര കേന്ദ്രം തന്നെയാണിത്. തെരുവുനാടകങ്ങള്, പ്രദര്ശനങ്ങള്, കലാമേളകള്, മുതലായവ മാനവീയം തെരുവോരക്കൂട്ടത്തിന്റേയും മറ്റിതര കലാ സാംസ്കാരിക സംഘങ്ങളുുടെയും ആഭിമുഖ്യത്തില് ഈ വീഥിയില് നടക്കാറുണ്ട്.
കഴിഞ്ഞ ദിവസം രാത്രിയിലാണ് മലയാളത്തിന്റെ പ്രിയനടൻ ബൈജു യുവാക്കള്ക്കൊപ്പം പാട്ടൊക്കെ പാടി സന്തോഷിച്ച് അവരുമായി സ്നേഹ സംഭാഷണങ്ങള് ഒക്കെ നടത്തി സമയം ചെലവഴിച്ചത്. പുത്തന് കാലത്തിലെ ചെത്തു പിളേളരാണെങ്കിലും പഴയ പാട്ടൊക്കെ അടിപൊളിയായി പാടാൻ ഞങ്ങള്ക്കും അറിയാം എന്നു അവരും തെളിയിക്കുകയാണ് വീഡിയോയില്. കൂട്ടത്തില് ഒരാള് പാട്ടിനൊപ്പം ഗിറ്റാറും വായിക്കുന്നുണ്ട്. യുവാക്കള്ക്കൊപ്പം അവരില് ഒരാളായി ചേര്ന്ന് നിന്നുകൊണ്ട് ഒരു ജാഡയുമില്ലാതെ തന്നെയാണ് ഈ സിനിമാ നടൻ അവര്ക്കൊപ്പം ഒരാളായി ചേര്ന്ന് നിന്നുകൊണ്ട് മാനവീയം വീഥിയെ സംഗീതാഭരിതമാക്കിയിരിക്കുന്നത്. കൂട്ടത്തില് ഉള്ള ഒരു യുവാവിന്റെ തോളില് കൈയ്യൊക്കെയിട്ടാണ് ബൈജു അവരുടെ കൂടെ പാടാൻ കൂടിയിരിക്കുന്നത് എന്നതും ഈ ദൃശ്യങ്ങള് ശ്രദ്ധേയമാകാനുള്ള കാരണമാണ്. ഈ വീഡിയോ ദൃശ്യങ്ങളും ബൈജുവിന്റെ ഗാനാലാപനവും ഏറ്റെടുത്തിരിക്കുകയാണ് ആരാധകര്.
.
