സമൂഹമാധ്യമങ്ങളില് തനിക്കെതിരെയുളള പ്രചരണങ്ങളില് പ്രതികരണവുമായി സംഗീത സംഛിധായകന് ഗോപി സുന്ദര്. ഗായിക അമൃത സുരേഷുമായി ഗോപി സുന്ദര് പിരിഞ്ഞുവെന്നും അദ്ദേഹം മറ്റൊരു പ്രണയത്തിലാണെന്നും തുടങ്ങിയ അഭ്യൂഹങ്ങളുണ്ടായിരുന്നു. ഒരു മ്യൂസിക് ഷോയുടെ ഭാഗമായി സ്വിറ്റ്സര്ലാന്ഡില് എത്തിയപ്പോള് പെണ്സുഹൃത്തിനൊപ്പമുളള ചിത്രം പങ്കുവെച്ചതിന് തൊട്ടുപിന്നാലെ അഭ്യൂഹങ്ങള് ശക്തമായി.
സംഭവം ആരാധകര്ക്കിടയില് ചര്ച്ചയായതോടെ പ്രതികരണവുമായി രംഗത്ത് എത്തിയിരിക്കുകയാണ് ഗോപി സുന്ദര്.ഇവിടെ ആരും ആരെയും ചതിച്ചിട്ടില്ല എന്നും എല്ലാവരും സന്തോഷമായി പോകുന്നുവെന്നും ഗോപി സുന്ദര് ഇന്സ്റ്റഗ്രാമില് കുറിച്ചു.
ഇവിടെ ആര്ക്കും ഒരു പ്രശ്നവുമില്ല. ഒരു കംപ്ലെയിന്റുമില്ല. ആരും ആരെയും ചതിച്ചിട്ടില്ല. എല്ലാവരും ഹാപ്പിയായി പോകുന്നു. നിങ്ങള്ക്ക് വേറെ ഒരു പണിയും ഇല്ലോ. ഈ ലോകത്ത് ഒരാളുമായി ഒരു ഫോട്ടോ പോസ്റ്റ് ചെയ്താല് അതിനെ പെണ്ണുപിടി എന്ന കാര്യമായി കാണാന് നിങ്ങള്ക്ക് എങ്ങനെ കഴിയുന്നു. നമിച്ചു. അരി തീര്ന്നെങ്കില് അണ്ണന്മാര്ക്ക് മാസം അരി ഞാന് വാങ്ങി തരാം- ഗോപി സുന്ദര് കുറിച്ചു.
