ഒരു ഗോൾഡൻ റിട്രീവറാണ് ഇപ്പോൾ സോഷ്യൽ മീഡിയയിൽ താരമായി മാറികൊണ്ടിരിക്കുന്നത്. ഉടമയുടെ അഭാവത്തിൽ വീട്ടിലെത്തിയ പാഴ്സൽ കൃത്യമായി വാങ്ങിവച്ചതോടെയാണ് ഈ നായ സോഷ്യൽ മീഡിയയിൽ ചർച്ചാവിഷയമാകുന്നത്. ഫിലിപ്പീൻസ് നിവാസിയായ മെഗ് ഗാബെ സ്റ്റിന്റേതാണ് ഈ നായ തന്റെ പ്രിയപ്പെട്ട നായയുടെ ബുദ്ധി സാമർത്ഥ്യത്തെ കുറിച്ച് മെഗ് തന്റെ സോഷ്യൽ മീഡിയ പേജിൽ പങ്കുവച്ചതോടെയാണ് ഇത് ലോകമറിഞ്ഞത്.
മെഗ് ഗോൾഡൻ റിട്രീവറിൽ നിന്ന് ഗോൾഡൻ റിസീവറിലേക്ക് എന്ന ക്യാപ്ഷനോടെയാണ് തന്റെ പ്രിയപ്പെട്ട നായക്കുട്ടി മാർവിയെ കുറിച്ച് ഫേസ്ബുക്ക് പേജിൽ പോസ്റ്റ് ചെയ്തത്. ഒരു ഓൺലൈൻ ഡെലിവറി ഏജന്റിന്റെ കയ്യിൽ നിന്നും മാര്‍വി പാഴ്സൽ വാങ്ങിക്കുന്നതിന്റെ ചിത്രവും ഇവർ പോസ്റ്റ് ചെയ്തിട്ടുണ്ട്. പാഴ്സലുമായി ഡെലിവറി ഏജന്റ് എത്തിയപ്പോൾ താൻ ജോലിസ്ഥലത്ത് ആയിരുന്നു എന്നും തന്റെ പാർട്ണറും വീടിൻറെ മുകളിലത്തെ നിലയിൽ ജോലിയുടെ തിരക്കുകളിൽ ആയിരുന്നുവെന്നും മെഗ് പറയുന്നു.
ഈ സമയത്ത് മറ്റാരെയും കാണാതെ വന്നതിനാൽ ഡെലിവറി ഏജൻറ് പാഴ്സൽ മാർവിയെ ഏൽപ്പിച്ചു. സാധാരണയായി അല്പം കുരുത്തക്കേടുകൾ ഒക്കെ കാണിക്കുന്ന സ്വഭാവക്കാരൻ ആണെങ്കിലും തൻറെ പാഴ്സൽ വാങ്ങിയതിനു ശേഷം അത് നശിപ്പിക്കാതെ സുരക്ഷിതമായി ഒരിടത്ത് വെച്ചു എന്നും മെഗ് പോസ്റ്റിൽ സൂചിപ്പിച്ചു.
Comments