ചിരിപ്പിക്കുന്നതും ചിന്തിപ്പിക്കുന്നതും മാത്രമല്ല കൗതുകമുണര്ത്തുന്നതും ഞെട്ടിക്കുന്നതുമായ ഒട്ടനവധി വീഡിയോകളും വാര്ത്തകളും ആണ് സോഷ്യല് മീഡിയയിലൂടെ പ്രചരിക്കുന്നത്. ഇവയില് കാണികളെ ഹരം കൊള്ളിക്കുന്ന ഒന്നാണ് സാഹസികതെയും സാഹസിക യാത്രകരെയും സംബന്ധിക്കുന്ന വാര്ത്തകള്. സാഹസികതയിലൂടെ ലക്ഷ്യം കൈവരിക്കുകയും അതേസമയം അപകടങ്ങള് ഉണ്ടാകുകയും ചെയ്യുന്ന നിരവധി അവസ്ഥകള് ഉണ്ടാകാറുണ്ട്. സമാനമായ ഒരു സംഭവമാണ് നെറ്റീസണ്സിനെ ഒന്നടങ്കം ഞെട്ടിച്ചിരിക്കുന്നത്.
ഈ അടുത്തകാലത്ത് സോഷ്യല് മീഡിയ സെന്സേഷനായ ഡോ. മാറ്റ് കാരിക്കര് പുതുതായി ഒരു കൂറ്റന് ഗുഹ വാങ്ങിയിരുന്നു. അവിടേക്ക് യാത്ര പോയ സാഹസിക സംഘം അപകടത്തില്പെട്ട വാര്ത്തയാണ് ആളുകളെ ഞെട്ടിച്ചിരിക്കുന്നത്. സാഹസികത ഏറെ ഇഷ്ടപ്പെടുന്ന ഒരു സംഘമാണ് ഈ ഗുഹയിലേക്ക് യാത്ര തിരിച്ചത്. എന്നാല് ഗുഹയുടെ അന്തര്ഭാഗത്ത് എത്തിയപ്പോഴേക്കും വഴി ഇടുക്കമുള്ളതായി മാറി. തുടര്ന്ന് വെള്ളത്താല് ചുറ്റപ്പെട്ട അവസ്ഥയായിരുന്നു. നിറയെ വെള്ളമായതിനാല് ഒരാള്ക്കുപോലും നീങ്ങാനോ ശ്വസിക്കാനോ കഴിഞ്ഞിരുന്നില്ല. തിരികെ ഇറങ്ങാന് കഴിയാതെ വന്നതോടെ സംഘത്തിലുള്ളവര് പരിഭ്രാന്തിയില് ആവുകയായിരുന്നു.
പ്രചരിക്കപ്പെട്ട വീഡിയോയില് ഒരു സംഘം ആളുകള് ഗുഹയിലൂടെ നീങ്ങുന്നത് കാണാം. ഗുഹയില് ആകെയും വെള്ളമാണ്. ആ വെള്ളത്തിലൂടെയാണ് സംഘം നീങ്ങുന്നത്. എന്നാല്, കുറച്ച് ദൂരം പിന്നിട്ടപ്പോഴേക്കും ആഴം കൂടാന് തുടങ്ങി. ആ വെള്ളത്തിലൂടെയാണ് സംഘം നീങ്ങുന്നത്. ഗുഹയുടെ വീതിയും കുറഞ്ഞ് തുടങ്ങി. പിന്നീട്, അവര്ക്ക് ശരിയായി നില്ക്കാന് പോലും സാധിക്കാത്ത തരത്തിലേക്ക് ഇടുങ്ങിയ ഗുഹയാണ് കാണുന്നത്. കാണുന്നവര്ക്ക് പോലും ശ്വാസംമുട്ടുണ്ടാക്കുന്ന വിധത്തിലുള്ളതാണ് ഗുഹയ്ക്കകത്തെ കാഴ്ചകള്.
നിമിഷ നേരങ്ങള്ക്കുള്ളിലാണ് വീഡിയോ വൈറലായത്. വീഡിയോ ഭൂരിഭാഗം ആളുകളെയും ഭയപ്പെടുത്തിയെങ്കിലും സാഹസികത ഇഷ്ടപ്പെടുന്നവര് ഇത്തരം യാത്രകള് തെരഞ്ഞെടുക്കും എന്ന് തെളിയിക്കുന്നതാണ് വീഡിയോ. Underground Explorers ആണ് വീഡിയോ സോഷ്യല് മീഡിയയില് ഷെയര് ചെയ്തിരിക്കുന്നത്. നിരവധി ആളുകള് വീഡിയോയ്ക്ക് കമന്റുകളും നല്കിയിട്ടുണ്ട്.
