മലയാള സിനിമാപ്രേക്ഷകര്ക്ക് സുപരിചിതയായ മുഖമാണ് മൈഥിലിയുടേത്. നിരവധി ആരാധകരുള്ള താരം രഞ്ജിത്ത് സംവിധാനം ചെയ്ത പാലേരി മാണിക്യം എന്ന ചിത്രത്തില് കൂടിയാണ് സിനിമയിലേക്ക് വരുന്നത്. ബ്രൈറ്റി ബാലചന്ദ്രന് എന്ന പേരില് നിന്ന് താരം മൈഥിലിയായി മാറിയതും ആ സിനിമയിലൂടെയാണ്. അതിനു ശേഷം കേരള കഫെ, ചട്ടമ്പിനാട്, ഈ അടുത്തകാലത്ത്, സാൾട്ട് ആൻഡ് പെപ്പർ, നല്ലവൻ, ബ്രേക്കിംഗ് ന്യൂസ്, മാറ്റിനി, മായാമോഹിനി, നാടോടിമന്നൻ, വെടിവഴിപാട്, ഞാൻ, ലോഹം, മേരാ നാം ഷാജി തുടങ്ങി നിരവധി ചിത്രങ്ങളില് താരം അഭിനയിച്ചു. അഭിനയിച്ച ചിത്രങ്ങളില് എല്ലാം ശ്രദ്ധേയമായ വേഷം ചെയ്തതാണ് പ്രേക്ഷകര് താരത്തെ കൂടുതല് ശ്രദ്ധിക്കാനുള്ള കാരണമായത്.
ചുരുങ്ങിയ കാലം കൊണ്ട് താരം തന്റേതായ ഒരു സ്ഥാനം പ്രേക്ഷകമനസ്സില് നേടി. സുഹൃത്തും ആർക്കിടെക്റ്റുമായ സമ്പത്തിനെയാണ് താരം വിവാഹം ചെയ്തത്. വിവാഹത്തിനു മുമ്പു തന്നെ താരം സിനിമയില് നിന്ന് ഇടവേളയെടുത്തിരുന്നു. ഒരു ആണ്കുഞ്ഞിന് ജന്മം നല്കിയതോടെ താരം ആ തിരക്കുകളില് മുഴുകി. നീൽ സമ്പത്ത് എന്ന് പേരിട്ടിരിക്കുന്ന കുഞ്ഞിന്റെ ചിത്രങ്ങളും വിശേഷങ്ങളും സോഷ്യല് മീഡിയയിലൂടെ താരം പങ്കിടാറുണ്ട്. ഇപ്പോഴിതാ ഭര്ത്താവിനും മകനുമൊപ്പം സന്തോഷത്തോടെ നില്ക്കുന്ന ചിത്രം പങ്കിട്ടിരിക്കുകയാണ് മൈഥിലി. ഹാര്ട്ട് ഇമോജി നല്കിയാണ് താരം ചിത്രം ഷെയര് ചെയ്തിരിക്കുന്നത്.
