തിരുവനന്തപുരം: ഇ- പോസ് മെഷീന്റെ തകരാര് പരിഹരിച്ചതായി ഭക്ഷ്യമന്ത്രി ജി ആര് അനില്. ഇന്ന് മുതല് റേഷൻ കടകള് സാധാരണ നിലയില് പ്രവര്ത്തിക്കുമെന്നും മന്ത്രി വ്യക്തമാക്കി.
റേഷന് കടകളിലെ ഇ- പോസ് മെഷീനിലെ ആധാര് സ്ഥിരീകരണത്തിന് സഹായിക്കുന്ന ഐടി മിഷന് ഡാറ്റ സെന്ററിലെ എയുഎ സെര്വറില് ഉണ്ടായ തകരാറു മൂലമാണ് ഇന്നലെ സംസ്ഥാനത്ത് റേഷൻ വിതരണം മുടങ്ങിയത്.
വെള്ളിയാഴ്ച ഇ- പോസ് മെഷീന് പണിമുടക്കിയതിനാല് സംസ്ഥാനത്ത് റേഷന് വിതരണം മുടങ്ങിയിരുന്നു. രാവിലെ കട തുറന്ന വ്യാപാരികള്ക്ക് ലോഗിന് ചെയ്യാനായില്ല. രണ്ടും മൂന്നും തവണ ഇ- പോസ് സ്കാനറില് കൈവിരല് പതിച്ചിട്ടും ലോഗിന് ചെയ്യാന് കഴിയാതെ സ്വന്തം കടയുടെ പാസ് കോഡ് നമ്പര് ഉപയോഗിച്ചാണ് പലരും കടകള് തുറന്നത്. ഉച്ചയ്ക്ക് ശേഷം ഭക്ഷ്യമന്ത്രിയുടെ ഓഫീസ് റേഷന് കടകള്ക്ക് അവധിയും നല്കിയിരുന്നു.
