ടെലികോം റെഗുലേറ്ററി അതോറിറ്റി ഓഫ് ഇന്ത്യ വാണിജ്യാവശ്യങ്ങൾക്കുള്ള വോയ്സ് കോളുകളിൽ നിയന്ത്രണമേർപ്പെടുത്തി . ഉപഭോക്താക്കളിൽ നിന്ന് സന്ദേശങ്ങളയക്കുന്നതിനും കോളുകൾ ചെയ്യുന്നതിനും മുൻകൂർ സമ്മതം വാങ്ങണമെന്നാണ് മന്ത്രാലയം നിർദേശം നല്കിയിരിക്കുന്നത്. പുതിയ നിർദേശമനുസരിച്ച് എല്ലാ ടെലികോം കമ്പനികളും സ്ഥാപനങ്ങളും ഉപഭോക്താക്കളിൽ നിന്ന് അനുമതി വാങ്ങണമെന്ന് നിർദേശമുണ്ട്.
വൈകാതെ ടെലികോം കമ്പനികൾ പുതിയ ഡിസിഎ നടപ്പാക്കേണ്ടി വരും. ഇതോടെ വാണിജ്യ സന്ദേശങ്ങൾ അയയ്ക്കുന്നതിന് വീണ്ടും ഉപഭോക്താക്കൾ നിന്ന് അനുമതി തേടേണ്ടതായി വരുന്നു.
മന്ത്രാലയം ഡിജിറ്റൽ മാർഗങ്ങളിലൂടെ തന്നെ അനുമതി തേടേണ്ടി വരുമെന്നാണ് നിർദേശം നല്കിയിരിക്കുന്നത്. ആവശ്യപ്പെടാതെയുള്ള വാണിജ്യ സന്ദേശങ്ങളാണ് അൺസോളിസിറ്റഡ് കൊമേഷ്യൽ കമ്മ്യൂണിക്കേഷൻസ് . ടെലികോം വകുപ്പ് ഇത്തരത്തിലുളള സന്ദേശങ്ങൾ വഴിയുള്ള തട്ടിപ്പുകൾ തടയുകയെന്നതാണ് ലക്ഷ്യമിടുന്നത്.
