മലയാളികള്ക്കേറെ പ്രിയങ്കരനായ നടനാണ് കുഞ്ചാക്കോ ബോബന്. നിത്യഹരിത നായകനായി ഇന്നും തിളങ്ങുന്ന താരം ഒരു കാലത്ത് ചോക്ലേറ്റ് ഹീറോ കഥാപാത്രങ്ങളാണ് ചെയ്തിരുന്നത്. എന്നാല് പിന്നീട് കാലത്തിനനുസരിച്ച് വളരെ പക്വതയുള്ള അഭിനയസാധ്യതയുള്ള കഥാപാത്രങ്ങളിലേക്ക് താരം വഴിമാറി. താരത്തിന്റെ കുടുംബവും ആരാധകര്ക്ക് ഏറെ പ്രിയപ്പെട്ടതാണ്. മകന് ഇസഹാക്കിന്റെയും ഭാര്യ പ്രിയയുടെയും എല്ലാ വിശേഷങ്ങളും ചിത്രങ്ങളുമെല്ലാം താരം സോഷ്യല് മീഡിയയിലൂടെ പങ്കിടാറുണ്ട്. സോഷ്യല് മീഡിയയില് വളരെ സജീവമായ താരം പങ്കുവെയ്ക്കാറുള്ള വിശേഷങ്ങളെല്ലാം തന്നെ വളരെപ്പെട്ടെന്നാണ് വൈറലായി മാറുന്നത്. കുഞ്ചാക്കോ ബോബനെ പോലെ മകൻ ഇസക്കും ആരാധകരുണ്ട്. സോഷ്യൽ മീഡിയയിൽ സിനിമാ വിശേഷങ്ങൾക്കൊപ്പം മകന്റെ കുഞ്ഞുവിശേഷങ്ങളും ചാക്കോച്ചൻ പങ്കുവെക്കാറുണ്ട്. ഇതെല്ലാം പ്രേക്ഷകരുടെ ഇടയിൽ ചർച്ചയാവാറുമുണ്ട്. ഇപ്പോഴിതാ സോഷ്യൽ മിഡിയയിൽ വൈറലാവുന്നത് ചാക്കോച്ചന്റേയും ഇസയുടേയും രസകരമായ ഒരു വീഡിയോയാണ്. മകന് ഇസയ്ക്കൊപ്പം ക്യൂട്ടായി കളിക്കുന്ന വീഡിയോയാണ് താരം പങ്കുവച്ചിരിക്കുന്നത്. ‘‘ശിശുദിനത്തിൽ ചൈൽഡ് ട്രയൽസ്...’’ എന്ന ക്യാപ്ഷനൊപ്പം താരം പങ്കിട്ട വീഡിയോ ഏറ്റെടുത്തിരിക്കുകയാണ് ആരാധകര്.
