പിസ്സ ഇഷ്ടമില്ലാത്തതായി അധികമാരും ഉണ്ടാകില്ല. കാരണം പ്രായഭേദ്യമന്യേ ഭൂരിഭാഗം ആളുകള്ക്കും ഏറെ ഇഷ്ടമുള്ള വിഭവമാണ് പിസ്സ. സാധരണയായി പിസ്സ കഴിക്കണമെന്ന ആഗ്രഹം തോന്നിയാല് ആളുകള് പിസ്സ റസ്റന്റുകളിലോ പിസ്സാഹട്ടിലോ പോകും. അതുമല്ലെങ്കില് പിസ്സ ഓണ്ലൈന് ആയി ഓര്ഡര് ചെയ്തു കഴിക്കാറാണ് പതിവ്. എന്നാല് ഇവിടെ ഇതാ യുകെയില് നിന്നുള്ള ഒരു യുവാവ് സ്പാ ചെയ്യാനും ഒരു പിസ കഴിക്കാനും വേണ്ടി മാത്രമായി 2,785 രൂപയ്ക്ക് വിമാനടിക്കറ്റും എടുത്ത് ഇറ്റലിയിലേക്ക് പോയിരിക്കുകയാണ്. ഏതായാലും സംഭവം അറിഞ്ഞ് പലരും ഒന്ന് ഞെട്ടിയിരിക്കുകയാണ്.
തന്റെ എക്സ് അക്കൗണ്ടിലൂടെയാണ് യുവാവ് ഈക്കാര്യം പങ്കുവച്ചിരിക്കുന്നത്. മിലാനിലേക്കുള്ള വിമാനയാത്രയ്ക്കാണ് യുവാവിന് ഏകദേശം 2700 രൂപയായത്. അവിടെ ചെന്ന് സ്പായും ചെയ്ത് ഒരു പിസയും വാങ്ങിക്കഴിച്ച് അതേ ദിവസം രാത്രി തന്നെ അയാള് തിരികെ തന്റെ വീട്ടിലെത്തിയത്രെ. സ്പായില് പോയതും പിസ്സാ കഴിക്കുന്നതിന്റെ ചിത്രങ്ങളും യുവാവ് പങ്കുവച്ചിട്ടുണ്ട്. ''£27 05:45 മിലാനിലേക്കുള്ള ഫ്ലൈറ്റ്, സ്പാ ഡേ, പാസ്ത, പിസ്താഷിയോ പിസ്സ, ജെലാറ്റോ, 20:30 ന് ലണ്ടനിലേക്ക് തിരികെയുള്ള ഫ്ലൈറ്റ്'' എന്ന് യുവാവ് എക്സില് ചിത്രങ്ങള്ക്കൊപ്പം കുറിച്ചിട്ടുണ്ട്.
നിമിഷ നേരങ്ങള്ക്കുള്ളിലാണ് യുവാവിന്റെ പോസ്റ്റ് വൈറലായത്. എന്നാലും ഒരു ടൈറ്റ് ബജറ്റില് എങ്ങനെയാണ് ഇങ്ങനെ ഒരു കാര്യം ചെയ്യാനാവുക, എങ്ങനെയാണ് വില കുറഞ്ഞ് വിമാനത്തിന് ടിക്കറ്റ് ബുക്ക് ചെയ്യുക തുടങ്ങി അനേകം സംശയങ്ങളാണ് പലരും ചോദിച്ചത്.
അതിനുള്ള മറുപടികളും യുവാവ് നല്കിയിട്ടുണ്ട്. Skyscanner -ലോ Kayak -ലോ ആണ് താന് വിമാനത്തിന് ടിക്കറ്റ് നോക്കുന്നത് എന്ന് യുവാവ് മറുപടി നല്കി. ഒപ്പം City Mapper -ല് നോക്കിയാണ് യാത്ര ചെയ്യുന്നത് എന്നും എന്തൊക്കെ നഗരത്തില് ചെയ്യാനുണ്ട് എന്ന് അറിയുന്നതിന് ടിക്ടോക്ക് വീഡിയോകളുടെ സഹായം തേടാറുണ്ട് എന്നും യുവാവ് വ്യക്തമാക്കി.
£27 05:45 flight to Milan, spa day, pasta, pistachio pizza, gelato and catching the 20:30 flight back to London. pic.twitter.com/y5koMHMZ66
— WOLVERINE 🐺 (@EttyTweets) November 11, 2023
